Kryqi nuk duhet të përdoret si një simbol politik.
Kjo është ajo çka mbeti nga fjala e Papa Françeskut në Presov, në Sllovakinë Lindore, ku kryesoi në një shërbim të gjatë të njohur si Liturgji Hyjnore, një rit bizantin i përdorur nga Kishat Lindore Katolike dhe Ortodokse.
Ai nuk u mjaftua me kaq. Ai paralajmëroi edhe kundër të krishterëve që përpiqen të jenë triumfalistë, në një kritikë të dukshme të përdorimit të fesë për qëllime partiake.
E përditshmja “Reuters” tregon se predikimi i Papës u vërtit rreth temës së identitetit të krishterë, duke ravijëzuar se kryqet dhe kryqëzimet shpesh përdoreshin sipërfaqësisht nga të krishterët.
Mes afro 30 mijë besimtarë, ai është shprehur se shumë të krishterë mbanin kryqe rreth qafës, në mure të shtëpive të tyre, në makinat e tyre dhe në xhepat e tyre, por ama nuk kishin asnjë lidhje të vërtetë me Jezusin.
“Çfarë e mire është kjo, nëse nuk ndalemi për të parë Jezusin e kryqëzuar dhe për t’i hapur zemrat tona”, ka thënë ai, duke vijuar që “le të mos e zvogëlojmë kryqin në një objekt përkushtimi, aq më pak në një simbol politik, në një shenjë të statusit fetar dhe shoqëror”.
Ishte viti 1950, kur në Presov autoritetet komuniste detyruan katolikët e Ritit Lindor, të cilët i detyrohen besnikërisë së tyre Papës, të bashkohen me Kishën Ortodokse. Dhe një numër klerikësh të Riteve Lindore që refuzuan ta bënin këtë, u burgosën.
Për agjencinë e lajmeve “Associated Press”, ky udhëtim i Papës erdhi si një gjest përfshirjeje për grupin pakicë më të përjashtuar shoqërisht në Sllovaki, katolikët romakë, të cilët kanë vuajtur prej kohësh diskriminim, margjinalizim dhe varfëri.
Ndërkohë, vizita e tij në vendbanimin Lunik IX në Kosice është një nga pikat kryesore të pelegrinazhit të tij katërditor në Hungari dhe Sllovaki.
Është udhëtimi i tij i parë që kur iu nënshtrua një operacioni në korrik dhe njëkohësisht, shënon rifillimin e papatit të tij pas një ndërprerje gati dyvjeçare prej pandemisë.
Lidhur me Lunik IX, ai është më i madhi nga rreth 600 vendbanimet e shkatërruara, ku jetojnë 20 për qind e më të varfërve të 400 mijë katolikëve romakë në Sllovaki.
Shumica e tyre nuk kanë baza të tilla si uji i rrjedhshëm ose sistemet e ujërave të zeza, gazi apo energjia elektrike.
Prej kohësh, Papa ka kërkuar të takohet me më të margjinalizuarit e shoqërisë gjatë udhëtimeve të tij jashtë, duke u siguruar që gjithmonë të përfshijë vizita në lagje të varfra, geto ose burgje ku mund të ofrojë fjalë inkurajimi, solidariteti dhe mirëseardhjeje.
Ai e nisi ditën duke kremtuar një meshë rituale bizantine në Presov, në shenjë mirënjohje për besimtarët e vendit. Gjatë meshës së mbajtur në qiell të hapur, Françesku ka goditur politikanët evropianë, të cilët shpesh, shfrytëzojnë kryqet për të theksuar kredencialet e tyre të krishtera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
