Prezantuesi televiziv i “gjuan” bardhezinjve: “Kur u mungojnë rezultatet, humbasin arsyen”
Paolo Bonolis, showman televiziv italian, tifoz i deklaruar i Inter-it, e ka festuar daljen në krye të klasifikimit, duke e marrë atë dhe si një fitore kundër Juventus-it:
“Ai që kritikon të tjerët, që humbasin mendjen kur nuk fitojnë dot, qëllon t’i ndodhë e njejta gjë dhe atij vetë. Kujtoj deklaratat e ca lojtarëve apo trainerëve juventin. Ja, natyra njerëzore është e njejtë për të gjithë, pavarësisht fanellës që mban veshur. Në fund, kur humbet, është e thjeshtë të humbasë qetësia që të dallon. E rëndësishme është të mos i bëjmë moral të tjerëve” – ka deklaruar Bonolis për mikrofonin e Radio Radio.
Showmen-i është i bindur që rruga është e gjatë dhe kampionati mbetet ende i hapur:
“Janë shumë skuadra që luftojnë për titull dhe ka ekuilibër. Kjo e bën të gjithën zbavitëse. Vitet e fundit, me superfuqinë juventine, ishte bërë e gjitha ca si pa shije”.
A është bërë Juventus një skuadër për t’u mundur? Përkundrazi, sipas Bonolis, Juve është përmirësuar në raport me të shkuarën:
“I shoh bardhezinjtë e këtij viti, si grup, edhe më të fortë se vjet. Pastaj janë ca sistemime fiziologjike. Vetë Pirlo duhet të sistemohet, jo aq për Juventus-in sesa për veten e tij si trainer. Është hera e parë që shoh një trainer kaq të ri e pa eksperiencë të drejtojë një skuadër me ambicie kaq të mëdha. Duhet t’i jepet kohë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryemadhi mesazh Metës para mbledhjes: Çdo përjashtim është mbyllje e partisë, hiq dorë nga përjashtimet
-
Çfarë dimë deri tani për sulmin e Izraelit ndaj Iranit
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16