Pas qëndrimit në Kosovë, Zëvendës-ndihmës Sekretari i Shtetit Amerikan, Matthew Palmer dhe Përfaqësuesi Special i Bashkimit Evropian për Dialogun Kosovë-Serbi, Miroslav Lajçak, do ta vazhdojnë vizitën e tyre në Serbi.
Palmer e Lajçak është njoftuar se do të zhvillojnë takim me presidentin serb, Aleksandër Vuçiç.
Takimi i Vuçiç me Lajçak është planifikuar për në orën 17:00 në ndërtesën e Sekretariatit të Përgjithshëm të Presidentit të Serbisë.
Ndërsa Matthew Palmer do t’i bashkohet dyshes në 17:30, ka njoftuar shërbimi për shtyp i presidentit serb.
Lajçak e Palmer në Kosovë përveç takim me kryeministrin Albin Kurti dhe presidenten Vjosa Osmani, janë takuar edhe me liderë të tjerë partiakë.
Në vizitën e tyre dy ditore, ata janë takuar edhe me Zëvendës Kryeministrin e Parë për Integrim Evropian, Zhvillim dhe Dialog Besnik Bislimi, Zëvendës Kryeministren e Dytë dhe Ministren e Punëve të Jashtme dhe Diasporës, Donika Gërvalla-Schëarz, si dhe me krerët e partive opozitare.
Të hënën, Palmer në takime të ndara ka pritur kreun e Lidhjes Demokratike të Kosovës, Lumir Abdixhiku dhe atë të Partisë Demokratike të Kosovës, Enver Hoxhaj.
Pjesë e diskutimeve mes përfaqësuesve të LDK-së me Palmer ka qenë zhvillimi ekonomik dhe nevojës së domosdoshme që SHBA të ketë një rol kyç në dialog me Serbinë.
“Gjatë takimit u diskutua edhe për zhvillimin ekonomik dhe nevojën që SHBA-ja të ketë rol të fuqishëm në dialog”, thuhet në komunikatën e LDK-së.
Palmer bashkë me ambasadorin amerikan në Kososvë, Phlilip Kosnett, ka takuar edhe një delegacion të PDK-së.
Në takim, Hoxhaj thuhet se ka kërkuar që SHBA-të të kenë një rol të drejtpërdrejtë në dialogun me Serbinë.
“Kryetari Hoxhaj ka sqaruar pozicionin e PDK-së në raport me zhvillimet politike, dhe ka kërkuar një rol më të madh dhe të drejtpërdrejt të Shteteve të Bashkuara të Amerikës në dialog si partner strategjik i Kosovës”.
Pas takimeve të dy mbajtën një konferencë të përbashkët për media.
Mesazhi kryesor i dyshes ishte që dialogu duhet të vazhdojë dhe se zgjidhjen përfundimtare u takon ta gjejnë vetë palët – Kosova e Serbia.
“Ne jemi këtu për të mbështetur dhe inkurajuar. Ne vazhdojmë të mendojmë që njohja reciproke është zgjidhja ma e mirë. Jemi partnerë në këtë proces, jemi të përfshirë në mënyrë aktive duke punuar edhe me Beogradin edhe me Prishtinën, duke punuar së bashku me Lajçak dhe ekipin e tij në mbështetje të arritjes së marrëveshjes së plotë për normalizim”, ka thënë Palmer.
Qëllimi parësor i vizitës së tyre në Kosovë, sipas Lajçak “është përgatitja e takimit të parë midis Kryeministrit të Kosovës, Albin Kurti dhe Presidentit të Serbisë, Aleksandër Vuçiç, i cili do të mbahet në qershor, pas pak ditësh në Bruksel”.
Derisa theksuan se Bashkimi Evropian dhe Shtetet e Bashkuara të Amerikës janë lehtësues të bisedimeve dhe mbështetës të procesit.
Kryeministri Kurti e ka vlerësuar të rëndësishëm takimin dhe kohën e zhvillimit të tij, në prag të takimit në Bruksel, i paralajmëruar për në mesin e qershorit, për të cilin ka thënë se “duhet të jetë i drejtë, parimor dhe në shërbim të popujve dhe paqes e sigurisë së gjithmbarshme”.
Takimi i parë në mes të Kryeministrit të Kosovës, Albin Kurti dhe Presidentit të Serbisë, Aleksandër Vuçiç, do të mbahet muajin e ardhshëm (qershor) në kryeqytetin e Francës, në Paris.
Albanian Post posedon dokumentin e emëruar si “non-paper” në të cilin precizohet jo vetëm koha e takimit, por edhe temat e bisedës dhe synimet e këtij raundi të ri bisedimesh, i cili është projektuar si raundi final dhe pritet të përfundojë para muajit shkurt të vitit 2022.
Dokumenti tregon se kjo bëhet në mbështetjen e shteteve anëtare të BE-së dhe Shteteve të Bashkuara të Amerikës.
Kjo letër, jo formale, në një nga pikat kryesore parasheh krijimin e një Autonomie me vetëqeverisje të zgjeruar dhe me institucione të vetat.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel