Me konfirmimin e transferimit të Gareth Bale në Los Angeles FC, thashethemet për pagën e tij të mundshme janë një nga temat e kryesore, sepse mendohet se ai do të jetë lojtari më i paguar në MLS.
Sidoqoftë, paga e tij në MLS, nuk ka asnjë mundësi t’i afrohet pagës së Real Madrid-it.
Sipas raporteve rreth pagës së Bale, ish-lojtari i Real Madridit nuk do t’i afrohet as të përputhet me Xherdan Shaqiri i Chicago Fire, Javier ‘Chicharito’ Hernandez i Los Angeles Galaxy ose i porsaardhuri i Toronto FC, Lorenzo Insigne.
Një raport nga Los Angeles Times thotë se një nga burimet e tyre pohoi se Bale nuk do të ishte një lojtar i caktuar dhe paga e tij do të ishte pak më shumë se 1.6 milionë dollarë.
Megjithatë, është një shifër shumë e ulët në raport me atë që ka marrë Bale me Real Madridin, e cila vlerësohet të jetë 20.3 milionë dollarë.
Vlen të kujtojmë se ai e mori atë pagë pasi nënshkroi një kontratë ende në kulmin e tij në vitin 2017 dhe tani me LAFC do të jetë afër 33 vjeç.
Marrëveshja përfshin një zgjatje njëvjeçare deri në vitin 2024 dhe brenda atyre 12 muajve shtesë, Bale mund të rrisë pagën e tij me LAFC.
Lorenzo Insigne do të fitojë 12.42 milionë dollarë në vit në Toronto FC, ndërsa Xherdan Shaqiri nuk është shumë prapa me 8.15 milionë dollarë dhe Chicharito fiton 6 milionë dollarë me LA Galaxy.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
