Pacolli për ambasadorin rus në Beograd: Plot urrejtje ndaj Kosovës dhe shqiptarëve

Kryetari i Aleancës Kosova e Re, Behgjet Pacolli ka thënë se ambasadori i Rusisë në Serbi është plotë urrejtje dhe frustim ndaj Kosovës dhe shqiptarëve.

“Ambasadori i Federatës Ruse në Beograd ka demonstruar që nuk posedon dhe nuk i përmbahet asnjërës”.

“Ai është shumë arrogant, plot urrejtje dhe frustrim ndaj Kosovës dhe shqiptarëve, edhe pse ishte bashkëpunëtor i ngushtë i Presidentit Athisari që ka përshkruar Dokumentin përfundimtar për Sekretarin e Përgjithshëm të Kombeve të Bashkuara për Statusin e Republikës se Kosovës”, ka shkruar Pacolli në Facebook.

Duke u shprehur se si një diplomat do të duhej të sillej sipas kodit që edhe i përshtatet.

“Një diplomat nga një shtet i madh si Rusia, i cili pretendon se radhitet me shtetet e civilizuara dhe demokratike, duhet të jetë i edukuar, i mençur, i urtë dhe të sillet sipas kodit diplomatik”.

Pacolli komentoi edhe fjalorin e ambasadorit rus para studenëve në Beograd.

“Fjalori i tij (para studentëve në Beograd) është aq i poshtër sa çdo shef normal në Moskë do ta pushonte nga funksioni”.

“Turp për ju Ambasador Kharchenko”,  ka shtuar kreu i AKR-së.

Po ashtu, më 14 dhjetor ambasadori i Federatës së Rusisë në Beograd, Aleksandër Boçan Kharçenko, në një ligjërat online me titull “Partneriteti strategjik ruso-serb dhe situata në Ballkan”, ka thënë se Bashkimi Evropian duhet t’i bëjë presion Kosovës që “t’i implementojë të gjitha marrëveshjet e nënshkruara”.

Ky ambasador, i cili edhe në mesin e tensioneve kufitare në Jarinje dhe Bërnjak në shtator qëndroi në anën tjetër të kufirit serb duke i inspektuar forcat ushtarake, thotë se është e pakuptimtë që Kosova të kërkojë njohje nga Serbia.

“Kërkesa e Prishtinës që Serbia ta pranojë Kosovën është nonsense, dhe gjithkush që e kupton realitetin e kupton që është edhe e pamundshme”, deklaroi ambasadori rus në Serbi.

“Ne dialogum e mbështesim, sepse rrugë tjetër nuk ka. Ne edhe s’jemi të kënaqur me gjendjen e tanishme për shkak të mungesës së rezultateve”.

Ambsadori rus tha se janë të kënaqur me pozicionin neutral ushtarak të Serbisë, dhe mos-antërësimin e tyre në NATO.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.