![](https://albanianpost.com/wp-content/uploads/2023/11/400188884_361508303204498_1664129273307587838_n.jpg)
Presidentja e Kosovës, Vjosa Osmani, gjatë pjesëmarrjes së saj në varrimin e ish-presidentit të Finlandës Martti Ahtissari, ka shprehur mirënjohjen e thellë për kontributin e tij për pavarësinë e Kosovës.
Përmes një komunikate të lëshuar nga Zyra e Presidencës, është thënë se Osmani theksoi rolin e rëndësishëm të Ahtisaarit në botë.
“Sot i dhamë lamtumirën e fundit burrështetasit dhe paqebërësit Martti Ahtisaari. Përkushtimi i palodhshëm i Presidentit Martti Ahtisaari ndaj diplomacisë, zgjidhjes së konflikteve dhe të drejtave të njeriut ka lënë gjurmë të pashlyeshme në botën tonë”, tha Osmani.
Në varrimin e Ahtissarit, ka marrë pjesë edhe ish presidenti i Kosovës, Fatmir Sejdiu.
Mysafirët në varrimin e Presidentit Ahtisaari janë ftuar nga Qeveria finlandeze në përputhje me dëshirat e familjes së Presidentit Ahtisaari.
Kontributi i Presidentit Ahtisaari për paqe dhe zgjidhje të konflikteve në vende të ndryshme të botës u vlerësua edhe në vitin 2008 kur atij iu dha Çmimi Nobel për Paqe.
Më 16 tetor, njeriu që sipas propozimit të tij u dizajnua dhe themelua edhe shteti i Kosovës, Martti Ahtisaari, ndërroi jetë.
Ish-ndërmjetësuesi kryesor i Kombeve të Bashkuara për zgjidhjen e statusit të Kosovës dhe ish-presidenti finlandez ndërroi jetë këtë të hënën në moshën 86-vjeçare pas sëmundjes së Alzheimerit me të cilën ishte diagnostikuar në 2021 – sëmundje kjo që kjo shkatërron qelizat nervore duke u shoqëruar me dobësim të aftësive të trurit dhe çrregullim të kujtesës.
Lajmin e ka bërë të ditur faqja zyrtare e Presidencës finlandeze.
“Presidenti Martti Ahtisaari, vdiq më 16 tetor 2023 në orën 6:40 të mëngjesit në Helsinki.
Presidenti Ahtisaari ishte 86 vjeç”.
“Martti Oiva Kalevi Ahtisaari ishte President i Republikës së Finlandës në vitet 1994–2000. Ai ishte presidenti më i famshëm i Finlandës. Para presidencës së tij, ai ka mbajtur disa funksione në Ministrinë e Punëve të Jashtme të Finlandës dhe në Kombet e Bashkuara”, thuhet në komunikatën për media.
Në fund të presidencës së tij, Ahtisaari themeloi firmën prestigjioze të ndërmjetësimit të paqes CMI – Martti Ahtisaari Peace Foundation dhe ishte përgjegjës për negociatat dhe ndërmjetësimin e paqes.
Në mirënjohje për punën e tij të palodhshme, presidentit Ahtisaari iu dha Çmimi Nobel për Paqe në vitin 2008.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet