Osmani: Mungesa e dënimit për autorët e përfshirë në dhunë seksuale gjatë luftës ka pasoja të thella dhe të qëndrueshme
Presidentja e Kosovës, Vjosa Osmani, ka deklaruar se mungesa e drejtësisë për të mbijetuarat e dhunës seksuale ka “pasoja të thella dhe të qëndrueshme”.
Osmani, përmes një reagimi në platformën ‘X’, është shprehur se Kosova asnjëherë s’do të heqë dorë nga lufta për drejtësi.
“Mungesa e drejtësisë për të mbijetuarit dhe dënimi për autorët e përfshirë në dhunë seksuale gjatë luftës ka pasoja të thella dhe të qëndrueshme”.
“Ne kurrë nuk duhet të heqim dorë nga lufta jonë për drejtësi”.
The lack of justice for survivors and punishment for perpetrators engaged in sexual violence during war has profound and lasting consequences.
We must never give up on our fight for justice.
We must never give up on our support for survivors. pic.twitter.com/muZZXsO5N6
— Vjosa Osmani (@VjosaOsmaniPRKS) October 19, 2023
E para e shtetit po ashtu ka theksuar se si institucione s’do e ndalin as përkrahjen për këtë kategori.
“Ne kurrë nuk duhet të heqim dorë nga mbështetja jonë për të mbijetuarit”.
Numri i saktë i viktimave të dhunës seksuale gjatë luftës në Kosovë nuk dihet.
Sipas një raporti të Qendrës Amerikane për Kontrollimin dhe Parandalimin e Sëmundjeve, kjo shifër arrin deri në 20 mijë, ndërsa ka të dhëna për rreth 900 viktima.
Në Kosovë, për herë të parë këtë vit më 14 prill është shënuar Dita e të Mbijetuarve të Dhunës Seksuale gjatë luftës së fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com