![](https://albanianpost.com/wp-content/uploads/2023/12/indonisia.jpg)
Presidentja e Kosovës, Vjosa Osmani, në margjinat e Konferencës së Organizatës së Kombeve të Bashkuara për Çështje Klimatike që po mbahet në Dubai, është takuar me Kryeministrin e Indonezisë, Joko Widodo, me të cilin ka diskutuar për potencialin e bashkëpunimit në mes të dy vendeve respektive.
“E nderuar të takohem me Presidentin e Indonezisë, Joko Widodo gjatë #COP28 sot. Theksova potencialin e bashkëpunimit ndërmjet Kosovës dhe Indonezisë në dobi të popujve tanë paqedashës dhe se si mund të kontribuojmë së bashku në adresimin e sfidave të përbashkëta globale”, ka shkruar Osmani në platformën X.
Honored to meet with Indonesian President @jokowi during #COP28 today.
I emphasized the potential of cooperation between Kosovo and Indonesia to the benefit of our peace-loving peoples, and how we can jointly contribute to addressing shared global challenges. 🇽🇰🇮🇩 pic.twitter.com/c7LAHzgRJT
— Vjosa Osmani (@VjosaOsmaniPRKS) December 2, 2023
Takimi në mes të Osmanit dhe kryeministrit indonezian është mjaft i rëndësishëm, kjo për faktin se Indonezia është një nga vendet që nuk e njeh pavarësinë e Kosovës.
Gjatë ditës, e para vendit është takuar edhe me kryeministrin e Çekisë, Petr Fiala.
“Çekia është një aleate e rëndësishme e Kosovës dhe një mbështetëse e flaktë e rrugës euroatlantike të vendit tonë. Gjatë #COP28, falënderova kryeministrin Fiala për mbështetjen e Çekisë dhe shpreha angazhimin tonë për të vazhduar forcimin e lidhjeve tona dypalëshe”, shkroi ajo në X.
Czechia is an important ally of Kosovo and an ardent supporter of our country's Euro-Atlantic path.
During #COP28, I thanked Prime Minister @P_Fiala for Czechia's support and expressed our commitment to continue bolstering our bilateral ties. 🇽🇰🇨🇿 pic.twitter.com/8Y2hRVsnbk
— Vjosa Osmani (@VjosaOsmaniPRKS) December 2, 2023
Ndryshe, Osmani në margjinat e Konferencës së OKB-së, këtë të shtunë, ka takuar edhe ish-sekretarin Amerikan të Shtetit, John Kerry.
Në një postim në platformën sociale, X, Osmani bëri të ditur se ka informuar Kerry-in, tashmë i dërguari i posaçëm i Shteteve të Bashkuara të Amerikës për çështje klimatike, për zhvillimet më të fundit të sigurisë në Kosovë.
“Theksova gjithashtu rëndësinë e lidershipit të SHBA-ve për paqen dhe stabilitetin e qëndrueshëm”, ka shkruar Osmani, pas takimit.
Ndër të tjera Osmani, njoftoi, se personalisht ka lavdëruar udhëheqjen e Kerry-it në çështjet klimatike.
“Shpreha gatishmërinë tonë për të punuar së bashku për të trajtuar sfidat e përbashkëta”, ka shtuar Osmani.
At #COP28, I met Sec. @JohnKerry & informed him on the latest security developments in 🇽🇰, stressing the importance of 🇺🇸 leadership for lasting peace & stability.
Commended his climate leadership & expressed our readiness to work together to tackle shared challenges. pic.twitter.com/MpeiiA3wWR
— Vjosa Osmani (@VjosaOsmaniPRKS) December 2, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com