Presidentja e Kosovës, Vjosa Osmani, në 25-vjetorin e tyre, ka përkujtuar masakrën e Studenicës dhe atë të Llashticës, të kryera nga forcat policore dhe ushtarake serbe.
“25 vite më parë, forcat e regjimit gjenocidal të Serbisë, në një nga ofensivat e tyre për shfarosjen e shqiptarëve dhe spastrimin etnik masakruan 6 të moshuar dhe 4 vajza të mitura të moshës 12-15 vjeçe, të familjeve Lipaj – Zeqiraj në Studenicë të Istogut”, ka njoftuar zyra e presidencës.
E para vendit ka theksuar se barbaria e regjimit kriminal nuk njohu moshë, “prandaj drejtësia është e domosdoshme dhe nuk do të ndalojmë asnjëherë në kërkim të saj”.
Të njëjtën ditë, më 13 prill 1999 makineria vrastare e Serbisë në Llashticë të Gjilanit, pushkatoi e më pas dogji 13 shqiptarë, ndër të cilët edhe Fisnik Shabanin, 2 vjeçar.
“Drejtësia për ta është angazhim i pareshtur i yni”, potencoi.
Në fund, presidentja tha “qoftë i përhershëm kujtimi për të gjithë të rënët për liri!”.
Masakrën e Llashticës e ka përkujtuar edhe kreu i Aleancës për Ardhmërinë e Kosovës (AAK), Ramush Haradinaj.
Përmes një postimi në Facebook, Haradinaj ka thënë se sikur regjionet tjera të Kosovës, edhe Anamorava ka paguar çmim të madh për lirinë e atdheut.
“Në përvjetorin e 25-të kujtojmë masakrën e Llashticës së Gjilanit dhe nderojmë 26 martirët e rënë nga 13 prilli deri më 30 prill të vitit 1999. Armiku nuk e kishte kursyer as foshnjën tre javëshe, fëmijë nga prehri i nanës, pleq e çkado që i dilte para”, shkroi.
Ish-kryeministri potencoi se kalendari ynë është i mbushur me data e ngjarje që e bënë kthesën e madhe historike.
“Lavdi të rënëve për lirinë e Kosovës në secilën etapë të historisë sonë!”, përfundoi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Thaçi: Kam informacione se Kurti do ta mbështesë Pendarovskin në raundin e dytë të zgjedhjeve presidenciale
Lajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Basha drejtuar deputetëve: Të mbështesim amendamentet pro SPAK-ut dhe kundër korrupsionit
-
Rafahu nuk është Stalingradi i Gazës – është një tjetër manipulim nga Netanyahu
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës