Osmani informon Guvernatoren e Iowas për sulmin terrorist: Autorët të sillen para përgjegjësisë
![](https://albanianpost.com/wp-content/uploads/2023/10/osi.jpg)
Presidentja e Kosovës, Vjosa Osmani, është takuar me Guvernatoren e Iowas, Kim Reynolds, të cilën e ka njoftuar me zhvillimet e fundit në Kosovë, “pas aktit të agresionit që Serbia kreu në Kosovë më 24 shtator”.
“Sipas Presidentes Osmani, Kosova do të vazhdojë bashkëpunimin me aleatë, ndërkohë që autorët e sulmit terrorist dhe aktit të agresionit ndaj Republikës së Kosovës të kryer më 24 shtator duhet të vihen para përgjegjësisë”, njofton zyra e presidentes.
Siç thuhet në njoftim, gjatë takimit Osmani ka theksuar se Kosova nuk ka aleate e mike më të mirë se Shtetet e Bashkuara të Amerikës, me të cilën sipas saj ndajnë vlerat e njëjta të demokracisë, të drejtave të njeriut dhe bashkëpunimit ndërkombëtarë.
Sipas Osmanit, nënshkrimi kohë më parë i Programit të Partneritetit Shtetëror të Iowa-s, “përbën një element thelbësor të marrëdhënieve strategjike me Shtetet e Bashkuara”.
“Ky program luan një rol jetik në zhvillimin tonë të vazhdueshëm ushtarak dhe përpjekjet për ngritjen e kapaciteteve, në përputhje me objektivat dhe aspiratat tona të sigurisë kombëtare për anëtarësim në NATO”, ka pohuar Osmani.
![](https://scontent.fprn4-1.fna.fbcdn.net/v/t39.30808-6/396088434_352502870771708_194952780195512102_n.jpg?_nc_cat=109&ccb=1-7&_nc_sid=5f2048&_nc_ohc=wJPMcJRvwMcAX-QPTx9&_nc_oc=AQnrR6LWaQkhx-_bHAaDqKD6wKcdgGb4THysKp7N6JNOp6pIqR3ucOh2vBYcpMPTcng&_nc_ht=scontent.fprn4-1.fna&oh=00_AfDTzov6xrcnpSOjnqv9mb9CshCqXhHz99QCHmap8VU1tw&oe=653E1AF2)
Tutje, e para e vendit ka nënvizuar nevojën e ndihmës substanciale ekonomike dhe programet e zhvillimit të iniciuara nga Shtetet e Bashkuara për ta mbështetur rritjen dhe stabilitetin ekonomik të Kosovës.
“Në takim me guvernatoren Reynolds u diskutua për shkëmbime të mëtejshme studentore, bursa dhe bashkëpunime akademike ndërmjet universiteteve të Kosovës dhe Iowa-s, duke përfshirë shkëmbimin në fakultete, projekteve të përbashkëta kërkimore dhe iniciativave për ngritjen e kapaciteteve në arsim”.
Osmani e Reynolds kanë diskutuar edhe për mundësinë e shkëmbimit të njohurive, transferimin e teknologjisë bujqësore dhe bashkëpunimin në praktikat e qëndrueshme bujqësore, “ku në kuadër të këtij bashkëpunimi do të përmirësohen edhe më tej lidhjet ekonomike me shtetin e Iowas”.
Me qëllim që të përforcohet ky bashkëpunim, pjesë e delegacionit të Presidentes ishte edhe Ministri i Bujqësisë Faton Peci.
Për vizitën e Osmanit në Iowa, në platformën X, ka shkruar edhe vetë Guvrnatorja Reynolds, ku i ka uruar mirëseardhje presidentes kosovare.
“Më e mira nga kjo marrëdhënie e jashtëzakonshme mes Iowa-s dhe Kosovës ka ende për të ardhur!”, shkroi Reynolds.
Welcome to Iowa, President @VjosaOsmaniPRKS.
The best of this remarkable relationship between Iowa and Kosovo is still to come! pic.twitter.com/r6B3eJ10Vv
— Gov. Kim Reynolds (@IAGovernor) October 24, 2023
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet