![](https://albanianpost.com/wp-content/uploads/2024/04/de.jpg)
Në kuadër të aktiviteteve të manifestimit tradicional “Ditët e Shqipes’2024”, Presidentja e Kosovës, Vjosa Osmani, ka dekoruar të premten me Urdhrin “Hero i Kosovës”, pjesëtarin e Brigadës 138 “Agim Ramadani”, Francesco Guiseppe Bider, me motivacion për trimërinë dhe sakrificën për lirinë e Kosovës.
Osmani, urdhrin ia dorëzoi vëllait të heroit, Alfredo Bider, i shoqëruar nga familjarë dhe ish-udhëheqësit e Brigadës 138 “Agim Ramadani” dhe Betejës së Koshares.
![](https://scontent.fprn4-1.fna.fbcdn.net/v/t39.30808-6/437053710_452625754092752_1888466032601343903_n.jpg?_nc_cat=103&ccb=1-7&_nc_sid=5f2048&_nc_ohc=uPQ_abMPzFcAb7EW1Jn&_nc_ht=scontent.fprn4-1.fna&oh=00_AfDQnR4vXysa2buaTHpLUN5taC4qnQFejgBx91zl4jqxHQ&oe=66200EDC)
E para e vendit theksoi se heroi Francesco Bider besoi në lirinë e popullit tonë dhe të ardhmen e fëmijëve tanë.
“Ishin pamjet e vrasjeve, djegieve, vuajtjeve të zhvendosurve, pamjet e kampeve të refugjatëve dhe gjithë realitetit të tmerrshëm që kalonte populli ynë nga regjimi gjenocidal të [Sllobodan] Millosheviç-it që e shtynë Francescon t’i bashkohej UÇK-së në luftën për çlirimin e Kosovës, ku edhe ra dëshmor”, potencoi Osmani.
Osmani potencoi se të gjithë pjesëtarët e UÇK-së i bashkoi kauza e lirisë dhe e drejtësisë kundër tiranisë, gjenocidit dhe shtypjes.
Beteja e Koshares ishte një nga betejat më të lavdishme të Ushtrisë Çlirimtare të Kosovës. Aty ishte thyer kufiri shqiptaro-shqiptar, pra mes Kosovës dhe Shqipërisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet