Lajme

Lajme

Osmani bisedon për zhvillimet e fundit në Kosovë me dy senatorë amerikanë

Presidentja e Kosoves, Vjosa Osmani.

Nga Dini Fetahu

8 Qershor 2023 / 19:52

Presidentja e Kosovës, Vjosa Osmani, ka biseduar këtë të enjte me dy senatorë amerikanë, Jeanne Shaheen dhe Peter Ricketts.

Përmes një cicërime në rrjetin social “Twitter, Osmani tha se me senatorët amerikanë ka biseduar për përkushtimin e përbashkët të dy vende për rrugën euro-atlantike të Kosovës.

“Falënderoj senatorët Jeanne Shaheen dhe Pete Ricketts për thirrjen e tyre sot, ku ne riafirmuam përkushtimin tonë të përbashkët për – partneritet dhe për të çuar përpara Kosovën në rrugën e saj euro-atlantike”, shkroi ajo në Twitter.

Tutje, e para vendit theksoi se senatorët amerikanë i ka njoftuar për ngjarjet e fundit në Kosovë “dhe mbi përpjekjet tona për të kapërcyer sfidat”.

Ndryshe, në deklaratën që u publikua të mërkurën nga disa senatorë amerikanë, ku kërkohej ulja e tensioneve në Veri, pasi që po rrezikon pa nevojë marrëdhëniet me Perëndimin, pjesë e saj ishin edhe dy senatorët Jeanne Shaheen dhe Peter Ricketts, të cilët biseduan me Osmanin këtë të enjte.

Kryeministri i Kosovës Albin Kurti dhe Presidenti i Serbisë Aleksandër Vuçiç, duhet t’i dëgjojnë thirrjet e bashkësisë së organizuar ndërkombëtare për qetësimin e situatës në veri të Kosovës, përndryshe të dyja palët do të përballen me pasoja dhe rrezikim të panevojshëm të marrëdhënieve me Perëndimin.

Kështu thuhet në një deklaratë të përbashkët të senatorëve amerikanë – demokratë dhe republikanë – Jeanne Shaheen, Chris Murphy, Chris Van Hollen, Ben Cardin, Thom Tillis dhe Pete Ricketts, lidhur me gjendjen aktuale politike dhe të sigurisë në pjesën veriore të Kosovës.
 
“Si ligjvënës amerikanë, përtej linjave partiake, jemi gjithnjë e më të shqetësuar nga situata e brishtë e sigurisë në veri të Kosovës. Sot, ne përsërisim se ka mbështetje të gjerë dypartiake në Senatin amerikan për përpjekjet e Bashkimit Evropian, në koordinim të ngushtë me Shtetet e Bashkuara, për të ndërmjetësuar një rrugë përpara”.
 
Senatorët amerikanë kanë thënë se në mënyrë që një zgjidhje të jetë e qëndrueshme, të dy liderët politikë – kryeministri Kurti dhe presidenti Vuçiç – duhet të angazhohen për zbatimin e Marrëveshjes së Brukselit/Ohrit, përfshirë themelimin e Asociacionit të Komunave me Shumicë Serbe në Kosovë.
 
Ndërkaq, senatorët amerikanë kanë nxitur dy liderët ballkanit që t’i konsiderojnë mirë hapat e tyre të ardhshëm, ngase dështimi për të qetësuar situatën në këtë pjesë të Kosovës të banuar me serbë etnikë, në mënyrë të panovojshme rrezikon marrëdhëniet e shteteve përkatëse me Perëndimin.
 
“Dështimi për të de-përshkallëzuar situatën do të shkaktonte pasoja nga Perëndimi, i cili ka punuar zellshëm për të mbështetur Kosovën dhe Serbinë në një rrugë përpara, dhe pa nevojë rrezikon të dobësojë marrëdhëniet tona dypalëshe. Kjo nuk është në interesin e askujt”.
“Ne i bëjmë thirrje Kosovës dhe Serbisë që të punojnë në mirëbesim me Bashkimin Evropian dhe Shtetet e Bashkuara për të gjetur një zgjidhje përpara dhe pa vonesë”, thuhet në deklaratën e senatorëve amerikanë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • SHBA
  • kosova
  • Vjosa Osmani
  • zhvillimet
  • senatorët amerikanë

    • Të fundit nga rubrika

    Lajmet kryesore

    Më të shikuarat

    Historia e jashtëzakonshme e shkollës së parë shqipe në Kosovë: Mësuesit, nxënësit, lëndët dhe librat e parë nga vitet 1800

    5d Lajme

    Rama mbërrin në Athinë, shqiptarët grumbullohen masivisht në pritje të tij

    6d Lajme

    Robert Fico është në gjendje të qëndrueshme pas operacionit

    3d Lajme

    Rreth 400 mijë euro u investuan për rregullimin e stadiumit të Vitisë – por ende është jashtë funksionit

    4d Video