Këtë të mërkurë të 17 korrikut opozita shqiptare vendosi që të bojkotojë sërish mbledhjen e Komisionit të Dezinformimit.

Ashtu siç ndodhi në mbledhjen e parë të tij, opozita nuk u shfaq, duke shprehur shenjën e tyre të protestës.

Ndërkaq Komisioni nisi punën zyrtarisht më 21 qershor.

Në seancën konstituuese, morën pjesë vetëm deputetët e mazhorancës, teksa drejtimin e Komisionit e mori siç ishte nga Partia Socialiste, deputeti Erion Braçe.

Kreu i grupit të PS, Bledi Çuçi, në një fjalë hapëse theksoi se ngritja e këtij komisioni s’ka të bëjë me luftën partiake.

“Vërtet është nga ato komisionet qe nuk duhet pare si pjese e luftës partiake mes mazhorances dhe opozitës. Me vjen keq qe koleget e opozitës ende sot nuk kane shprehur gatishmërinë për te ardhur”, nënvizoi fillimisht Çuçi në fjalën e tij.

Më tej, shtjelloi se dezinformimi është një fenomen historik prej Egjiptit të lashte dhe deri me sot, madje deri ne atë pike sa kane deformuar fakte historike.

“Ajo qe na ul sot ne këtë komision është shqetësimi qe ka bota perëndimore demokratike se ky fenomen mund te cenoje vlerat tona demokratike”, përmendi më tej Çuçi.

Në vijim të fjalës së tij, Çuçi tha se dezinformimi sot është një shqetësim qe lidhet me se shumti edhe me zhvillimin e teknologjisë e që bota demokratike duhet t’i përgjigjet siç duhet me vendosjen e rregullave.

“Besoj se ky komision është gjeja me e domosdoshme qe parlamenti shqiptar duhet te beje një ore e me pare. S’duhet të këtë asnjë paranoje qe ky komision do te ngrenë mazhorancën kundër lirisë se medias. Ne jemi këtu për te pare se si Shqipëria do ti’ përgjigjet këtij shqetësimi”, përmendi.

Po ashtu, ai konstatoi se duhen caktuar piketat me rregulla të qarta për të ndaluar dezinformimin dhe për të parë ambientin ku mund të tentojnë të depërtojnë vende jo mike me Shqipërinë.

Ai po ashtu, së bashku me kryetaren e Kuvendit, Lindita Nikolla dhe me kryetarin e Komisionit, Braçe, i bëri thirrje opozitës që t’i bashkohet këtij organi të ri të Kuvendit dhe të mos e bojkotojë punën, por t’i japë rëndësinë e duhur fenomenit shqetësues.

Michael Cunningham: Biden të bëj një hap pas, Trump nuk është i pashmangshëm

Opozita – sërish – bojkoton mbledhjen e Komisionit të Dezinformimit

Brixhilda Xhuraj

Historia e Daniel Gibbs, një neurolog me Alzheimer – këshilla e tij për të ngadalësuar rënien njohëse