Lëvizja Vetëvendosje në Prishtinë, së bashku me këshilltarët e Aleancës për Ardhmërinë e Kosovës (AAK) dhe një këshilltar të Aleancës Kosova e Re (AKR), janë duke kërkuar shkarkimin e kryesesuesit të Kuvendit Komunal.
Kërkesën për një seancë të jashtëzakonshme ku edhe pritet shkarkimi i kryesuesit Pëllum Bajqinovci e ka bërë të ditur Lëvizja Vetëvendosje (LVV), përmes një komunikate për media.
“Këshilltarët Komunal të Lëvizjes VETËVENDOSJE!, me mbështetje të këshilltarëve të AAK-së, një këshilltari të AKR-së dhe një këshilltari të pavarur, kanë inicuar mbajtjen e mbledhjes së jashtëzakonshme të Kuvendit Komunal të Prishtinës me të vetmen pikë të rendit të ditës: Shkarkimin e kryesuesit të Kuvendit Komunal”, thuhet në komunikatë.
Ndryshe, në muajin korrik të vitit të kaluar me 26 vota për, asnjë kundër dhe asnjë abstenim, asamblisti i Lidhjes Demokratike të Kosovës, Pëllumb Bajçinovci ishte zgjedhur kryesues i Kuvendit Komunal të Prishtinës.
Kjo pasi që asamblistët e Kuvendit Komunal në Prishtinë patën shkarkuar Fehmi Kupinën nga pozita e kryesuesit. Kjo seancë ishte thirrur nga këshilltarët komunalë të Prishtinës.
Së fundmi në Komunën e Prishtinës, është prishur koalicioni mes Partisë Demokratike të Kosovës dhe Lidhjes Demokratike të Kosovës, kjo për shkak të publikimit në media për këmbimin e pronave publike, ku i përfshirë dyshohet të jetë edhe kryetari i Prishtinës, Përparim Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel