1.

Spari, Kuvendi i Kosovës nuk âsht konstituue.
Sdyti, procedura e ndjekun për zgjedhjen e nënkryetarëve âsht antikushtetuese, kundër Rregullores së Kuvendit dhe kundër aktgjykimeve të Gjykatës Kushtetuese, që nga votimi veç e veç i nënkryetarëve të komuniteteve joshumicë, e deri te hedhja e shortit. Gjithçka ishte arbitraritet i nji partie dhe nji njeriu.
S’treti, Presidentja e shkel edhe vet, Kushtetutën, për ma shumë, e suspendon rendin Kushtetues të vendit tue bâ akt tradhtie të naltë, nëse e mandaton VVnë për krijimin e Qeverisë, me shkelje të vazhdueshme të normës dhe rezonit shtetnor!?

2.
Shkelësit e normave kushtetuese sot (që prekin të drejtat e garantueme të nji pakice) gjenerojnë shkelje zinxhirore të normës nesër, tashti në dâm të shumicës!
Sepse popullistat demonstrojnë se munen me u shellë si të dëshirojnë me shtetin (ngase -simas tyne- kjo qenka dëshira dhe vullneti i popullit!?) gjâ që i bân ata (shkelësit) me u doktë të fuqishëm dhe popullorë sot, porse pasojat janë fatale për shtetin, nesër!

3.
Potencialisht, ky është fillimi i një cikli vetëfuaizues të VVsë në parti-shtet, pas dhunimit të Kushtetutës së vendit, tue shfaqë hapun autoritarizmin dhe arbitraritetin, në të cilin kurth nacionalist ra edhe ish opozita.
Tue ia votu nji kryetar Kuvendi pa koncensus, e nji nënkryetare Kuvendi nga komuniteti joshumicë ndamas, nga nënkryetari i komuitetit tjetër joshumicë, në kundërshtim me normën dhe praktikat e deritashme, i hapi udhë puçit institucnal nga një fuqi më e madhe e perceptueme si popullore, e cila fton në shkelje të mëtejshme të normave.
Sëkëndejmi ish opozita i dhâ krah këtij puçi!?
Shkelësit e normave perceptohen të kenë kapacitet më të madh vullnetar, krahasu me ata që i zbatojnë normat.
Konstitucionalistat pësuen goditjen e parë që munet me qenë fatale!

4.
Këtu, ekziston vetëm mundësia që sanksionet e Perëndimit (ShBA, BE e NATO) mund ta ndërpresin këtë kurth vetshpërbâmës – në aspektin konstitucional – tue ja zvogëlu fuqinë partisë shtet.

5.
Albin Kurti e ka zhvendosë adresën e institucioneve të shtetit në selinë e VVsë dhe këtë e konstatoi edhe BE, me nji letër ku diplomatët e saj deklarohen se nuk kanë me e taku Kurtin tutje në kryeministri.

6.
Nëse mungon interesi dhe interesimi i ShBAsë, Kosova ahtisaariane nuk ekziston mâ!