Kosova në Krizë: Kurti pa asnjë adresë dhe pa asnjë mik

Presidentja e Kosovës dukej e pafuqishme në fjalimin e saj, por me qasje dhe gjuhë normale ndaj krizës se rëndë ndërmjet Kurtit dhe Administratës Amerikane.

Në këtë moment të rrethanave të tensionuara në Kosovë, thënia e Vjosa Osmanit, “Shpija pa miq nuk mund të mbahet”, përbën një pikë hyrëse thelbësore për të analizuar rëndësinë e marrëdhënieve ndërkombëtare dhe bashkëpunimit në politikën e Kosovës.

Kjo thënie tregon për nevojën e një qasje të mençur dhe të zgjidhshme kundrejt tensioneve politike dhe diplomatike, duke e vlerësuar ndërveprimin e qeverisë Kurti me partnerët e saj ndërkombëtarë dhe vendet fqinje.

Kjo fjali i dedikohet saktësisht tre njerëzve problematik në politikën e Kosovës; Kurti, Gërvalla dhe Bislimi.

Javët e ardhshme janë vërtet vendimtare në përcaktimin e pozicionit ndërkombëtar të Kosovës. Para samitit të marsit 2024, Bashkimi Evropian do ta zyrtarizojë kushtin e implementimit të Marrëveshjes Bazike si kusht thelbësor në rrugën evropiane të Kosovës dhe Serbisë.

Po ashtu, krahas këtij vendimi, BE do ta vendosë zyrtarisht implementimin e Marrëveshjes Bazike si kusht kryesor për thithjen e fondeve nga fondi 6 miliardësh për zhvillimin e Ballkanit Perëndimor. Pra, BE do të vendosë një derë me dy brava që i hap po i njëjti çelës.

Shto kësaj edhe vendimin e SHBA-ve për të qëndruar pasiv në raport me Kosovën, siç u pa edhe në mbledhjen e jashtëzakonshme të Këshillit të Sigurimit. Në rrethana të tjera, SHBA-të do të bllokonin iniciativat kundër Kosovës.

Në këtë pikë duhet kujtuar raportin special SHBA-Izrael. Edhe pse Izraeli shtyn përpara politikën puro sovraniste (përtej kapacitetit dhe mundësive të Kurtit), ndonjëherë edhe kundër këshillave të SHBA-ve, nuk ka ndodhur ndonjëherë që SHBA-të të mbajnë qëndrim pasiv në ndonjë çështje që ka të bëjë me Izraelin.

Pse ndodh kjo me Izraelin dhe pse jo me Kosovën?

Arsyeja është e thjeshtë: në Izrael ka sensor real të vlerësimit për të parë nëse një çështje është vërtet e rëndësishme për Amerikën. Dhe sa herë një çështje ka rezultuar vërtet e rëndësishme për Amerikën, Izraeli e ka harmonizuar si politikën ashtu edhe veprimet.

Nuk ka ndodhur ndonjëherë që me veprimet e veta, Izraeli ta sjellë në pikëpyetje autoritetin dhe vlerën si superfuqi të SHBA-ve.

Çfarë ka bërë Kurti deri tani?

E ka bërë pikërisht të kundërtën. Prandaj, edhe në një administratë tërësisht pro Kurti, si administrata Biden, është mbushur kupa. Madje edhe një simpatizues i flaktë i Kurtit si Edward Joseph, me akses unik në State Department dhe Shtëpi të Bardhë, e pohon këtë.

Kurti ka rezultuar që nuk do të dijë për sensorë të limiteve të veta dhe as për sensor të nevojës për të mbrojtur autoritetin dhe vlerën e SHBA-ve, si aleat kryesor dhe jetik.

Në DC, madje edhe në sytë atyre që Kurtin e shihnin me simpati, tashmë, Kurti dhe qeveria e tij shihen si mosmirënjohës. Dhe disa, përfshirë miq të dëshmuar të Kosovës, ndihen të fyer nga perceptimi që Kurti krijon duke i mveshur ata me gjithfarë petkash e epitetesh fyese.

Pra, vërtet pozitë delikate, si në raport me BE-në ashtu edhe me SHBA-të.

Përgëzimi për Ditën e Pavarësisë së Kosovës nga Presidenti Biden “vetëm për popullin e Kosovës”, pa përmendur qeverinë ose presidenten, qartësisht interpretohet si një formë e dënimit për qeverinë.

Kjo mund të shprehë një mesazh të qartë se qeveria ose presidentja e Kosovës nuk është e pranuar ose e mirëpritur nga SHBA-të për një kohë të caktuar. Kjo mund të ketë të bëjë me performancën e tyre, politikat, ose marrëdhëniet e tyre me SHBA-të në muajt e kaluar.

Situata ka kaluar ne ekstrem.

Përdorimi i shprehjes është lënduar partneriteti, duke e quajtur qeverinë dhe zv. Kryeministrin si gënjeshtar, si mënyrë për të përshkruar partneritetin e Kosovës me SHBA-të, gjuha e urimit sugjeron se ka ndodhur një situatë që ka dëmtuar thellësisht këtë lidhje.

Kjo mund të jetë rezultat i mosmarrëveshjeve politike, mungesës së bashkëpunimit ose ndonjë ngjarje që ka shkaktuar tensione të mëdha midis dy palëve. Në esencë, ky term dhe kjo fjalë  tregon për një shkallë të lartë të tensioneve ose dështimit të bashkëpunimit mes dy vendeve. Nuk është vetëm për dinarin, por për një serë gënjeshtrash që qeveria Kurti i bëri Amerikës.

Në këtë kontekst, tensionet mes qeverisë së Kosovës dhe Shteteve të Bashkuara, si dhe deklarata e kritikave të forta të adresuara ndaj kryeministrit Albin Kurti, natyrisht, rritin shqetësimet për stabilitetin dhe perspektivën e zhvillimeve në vend.

Qeveria e Kurtit është përballur me kriza dhe ka shfaq momente me të pa vërteta të mëdha brenda vendit dhe për marrëdhëniet ndërkombëtare, duke gënjyer se ka kërkuar dhe ka vendosë ura të reja të dialogut dhe bashkëpunimit.

Ndikimi i kësaj situate për marrëdhëniet me Shqipërinë dhe Serbinë është gjithashtu i ndjeshëm. Shqipëria, duke mbështetur qeverinë e Kosovës dhe promovuar stabilitetin në rajon, mund të përjetojë përkeqësimin e situatës nëse tensionet e brendshme në Kosovë vazhdojnë të përkeqësohen.

Nga ana tjetër, Serbia mund të përpiqet të përfitojë nga mosmarrëveshjet mes Kosovës dhe SHBA-ve për të përforcuar pozicionin e saj në rajon dhe për të krijuar tensione shtesë në mes të dy vendeve.

Maqedonia e Veriut gjithashtu është ndikuar nga tensionet në Kosovë, duke qenë në një situatë të ngjashme politike dhe të sigurisë. Bashkëpunimi dhe dialogu me vendet fqinje dhe aleatë  ndërkombëtarë janë thelbësore për të siguruar stabilitetin dhe për të përballuar sfidat e përbashkëta në rajon.

Në fund, për të përballuar krizën aktuale dhe për të siguruar stabilitetin e rajonit, është e rëndësishme që Albin Kurti dhe qeveria e tij të angazhohen në një dialog të hapur dhe konstruktiv me partnerët ndërkombëtarë dhe SHBA-të. Vetëm në këtë mënyrë, Kosova mund të përmbushë nevojat e popullsisë dhe të sigurojë një të ardhme të qëndrueshme dhe të frytshme për të gjithë qytetarët e saj.

Në situatën aktuale të tensioneve në Kosovë, është e rëndësishme që Albin Kurti të mbajë një qëndrim të qetë, të përgjegjshëm dhe të zgjidhshëm. Në vend që të përforcojë ndarjen dhe tensionet në rajon, Kurti duhet të kërkojë mënyra për të promovuar bashkëpunimin dhe dialogun, sidomos me partnerët e tij ndërkombëtarë si Shtetet e Bashkuara.

Pasojat e që vijnë nga gënjeshtrat e panevojshme te tij në mënyrë krejt të qetë  mund të jenë të rënda, duke përfshirë rënie të besueshmërisë ndërkombëtare të Kosovës, pengesa në procesin e integrimit euro-atlantik, si dhe tensione të rritura politike dhe sociale në vend.

Kurti duhet të kuptojë rëndësinë e bashkëpunimit me partnerët ndërkombëtarë dhe të përdorë kanale të dialogut për të zgjidhur mosmarrëveshjet dhe për të përforcuar stabilitetin dhe zhvillimin e vendit.

Në përfundim, Albin Kurti duhet të mbajë parasysh interesat dhe nevojat e popullsisë së Kosovës, duke punuar drejt zgjidhjeve të qëndrueshme dhe të drejta për të gjithë qytetarët.

Nëse ai niset nga kjo qasje, Kosova mund të përballet me sfidat aktuale dhe të ndërtojë një rrugë të qëndrueshme drejt përparimit dhe prosperitetit. Ndryshe, gënjeshtra e fundit, kurdo që ajo ndodh, do të jetë fatale për Kurtin dhe me plot dhimbje për Kosovën.