![](https://albanianpost.com/wp-content/uploads/2023/10/vucic-1.jpg)
Kenia, shtet në Afrikën lindore, kishte shprehur gatishmërinë e saj për të njohur pavarësinë e Kosovës. Kështu të paktën kishte bërë të ditur, ministri i Jashtëm i Kenias, Alfred Mutuar, gjatë një konference për media në Nairobi duke konfirmuar se po zhvillohen diskutime që Kenia ta njohë plotësisht pavarësinë e Kosovës.
Megjithatë, presidenti i Serbisë, Aleksandër Vuçiç, pas një takimi me presidentin e Kenias, William Ruto, në Kinë në kuadër të forumit të tretë “Belt and Road”, ka deklaruar se beson se vendi nuk do ta njohë pavarësinë e Kosovës.
Siç tha Vuçiç, ai ka diskutuar për Kosovën me Ruto-n, meqë nga Kosova po vijnë njoftime se Kenia do ta njohë pavarësinë e Kosovës.
“Asnjëherë nuk mund të garantosh për një shtet tjetër, por besoj se Kenia do të respektojë integritetin territorial të Serbisë dhe kartën e OKB-së”, tha Vuçiç.
Ndryshe presidentja e Kosovës, Vjosa Osmani, kishte zhvilluar një takim me homologun e saj nga Kenia, William Ruto, në margjinat e Asamblesë së Përgjithshme të Kombeve të Bashkuara në Nju Jork.
Osmani kishte bërë të ditur se në takim me presidentin Ruto kishte diskutuar për thellimin e marrëdhënieve midis Kosovës dhe Kenias.
“Mezi presim ndërmarrjen e hapave të përbashkët që do t’i afrojnë tutje vendet dhe popujt tanë”, kishte shkruar Osmani shkurtimisht në platformën sociale Facebook
E kryediplomati Mutuar, gjatë konferencës, kishte konfirmuar edhe vizitën e ardhshme të Osmanit në Kenia për të diskutuar për njohjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet