Forca e Sigurisë së Kosovës ka konfirmuar se njëri nga të plagosurit në Komunën e Pejës, të mërkurën e 22 majit, është pjesëtar i saj.
Tre persona janë plagosur nga arma e zjarrit mbrëmjen e së mërkurës në Pejë.
Lajmin për Albanian Post, e kishte konfirmuar Zëdhënësi i Policisë së Kosovës për rajonin e Pejës, Fadil Gashi.
Tre të plagosurit aktualisht po trajtohen në Qendrën Klinike Universitare të Kosovës (QKUK) ku edhe i janë nënshtruar operimeve.
Ndërkohë për rastin e plagosjes në Pejë janë arrestuar dy të dyshuar.
Fillimisht ishte arrestuar i pandehuri i cili dyshohet për dhënie të ndihmës për kryerjen e veprës penale.
Ndërsa më vonë u arrestua edhe i dorasi.
Këtë për Albanian Post e ka konfirmuar zëdhënësi i Prokurorisë së Pejës, Shkodran Nikçi.
“Personi i dyshuar për vrasjen të rëndë në tentative para pak momente është arrestuar dhe me vendim të prokurorit të shtetit është ndaluar për 48 orë”, ka deklaruar Nikçi për AP.