Një plan ushqimi, ndihmon në menaxhimin e peshës suaj

Krejt çka ju duhet është të shtoni një varg ngjyrash në pjatën tuaj, zarzavate, portokall, domate, madje edhe bimë të freskëta, të cilat janë të mbushura me vitamina, fibra dhe minerale.

Shtimi i specave të ngrirë, brokolit ose qepëve në përgatitjet e ushqimeve tuaja u jep atyre një nxitje të shpejtë dhe të përshtatshme të ngjyrave dhe vlerave ushqyesve.

Ushqimet që përfshijnë një shumëllojshmëri të proteinave janë: ushqimi i detit, mishi pa dhjam, vezë, fasule, bizele, produkte soje, arra dhe fara.

Frutat, perimet, drithërat, dhe produktet e qumshtit qëndrojnë brenda nevojave tuaja ditore për kalori.

Fruta

Frutat e freskëta janë zgjedhje e shkëlqyeshme. Provoni fruta përtej mollëve dhe bananeve, të tilla si mango, ananas ose kivi. Kur frutat e freskëta nuk janë në stinë, provoni një varietet të ngrirë, të konservuar ose të thatë.

Kini kujdes që frutat e thata dhe të konservuara mund të përmbajnë sheqerna ose shurup të shtuar. Zgjidhni varietete të konservuara të frutave të paketuara në ujë ose në lëngun e vet.

Perime

Shtoni shumëllojshmëri perimeve të pjekura në skarë ose në avull me një bar të tillë si rozmarina, ato mund t’i përgatitni me një sasi të vogël të vajit të gatimit.

Provoni perime të ngrira ose të konservuara për një pjatë të shpejtë anësore. Kërkoni perime të konservuara pa shtuar kripë, gjalpë ose salca kremi. Për shumëllojshmëri, provoni një perime të re çdo javë.

Ushqime të pasura me kalcium

Përveç qumështit, merrni parasysh jogurtët me pak yndyrë dhe pa yndyrë fare, pa shtuar sheqerna. Këto vijnë në një larmi aromash dhe mund të jenë një zëvendësues i shkëlqyeshëm i ëmbëlsirave.

Mish

Nëse receta juaj e preferuar kërkon skuqje peshku ose pule të pjekur, provoni variacione më të shëndetshme duke i zier. Atë mund ta zëvendësoni edhe me fasule të thata në vend të mishit. Kërkoni ushqime me më pak kalori dhe mund të habiteni kur zbuloni se keni një pjatë të re të preferuar.

Ushqimet me shumë kalori

Ushqimi i shëndetshëm ka të bëjë me ekuilibrin. Ju mund të shijoni ushqimet tuaja të preferuara, edhe nëse ato janë të larta në kalori, yndyrë ose sheqerna të shtuara. Kryesore është ngrënia e tyre vetëm një herë në kohë të caktuar dhe balancimi i tyre me ushqime më të shëndetshme dhe më shumë aktivitet fizik.

Disa këshilla të përgjithshme për ushqimet me shumë kalori:

Hani ato më rrallë. Nëse normalisht i hani këto ushqime çdo ditë, shkurtojeni një herë në javë ose një herë në muaj, nëse mundeni.

Hani sasi më të vogla. Nëse ushqimi juaj i preferuar me kalori më të larta është një çokollatë e madhe, mund të hani vetëm gjysmën .

Përdorni përbërës me më pak kalori ose përgatitni ushqim ndryshe. Për shembull, nëse receta juaj e makaronave përfshin gjalpë dhe djathë me yndyrë të plotë, provoni ta ribëni atë me më pak gjalpë, djathë me pak yndyrë, spinaq të freskët dhe domate. Thjesht mos harroni të mos e rrisni madhësinë e pjesës suaj.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.