Një person i vdekur dhe një tjetër i plagosur rëndë në Lipjan

Një person ka vdekur dhe një tjetër është lënduar dhe është në gjendje të rëndë nga një ngjarje në Lipjan që ka ndodhur të mërkurën.

Lajmin për Albanian Post e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Njëri nga personat e lënduar ka vdekur, ndërsa i lënduari tjetër është dërguar për tretman mjekësor. Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure”.

“Vdekjen e viktimës mashkull, rreth 57 vjeç, e konstatuar ekipi mjekësor në Qendrën Kryesore të Mjekësisë Familjare në Magure”, tha Ahmeti për Albanian Post.

Nga informacionet e para që ka policia plagosja është kryer me mjet të mrephtë.

“Janë ngritur dyshimet se një mosmarrëveshje mes disa personave ka rezultuar me plagosjen e rëndë të dy personave”.

Policia ka njoftuar se hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit, ndërkohë që dy persona të dyshuar janë arrestuar.

Edhe para një dite në Fushë Kosovë është plagosur një grua ku dorasi dyshohet të jetë ish bashkëshorti i saj të cilit i është caktuar masa e paraburgimit prej një muaji.

Ndërsa edhe të premten një grua ka humbur jetën pasi dyshohet se bashkëshorti i saj e kishte rrahur dhe i kishte shkaktuar lëndime të rënda.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.