Qindra njerëz të grupimit të njohur anti-fashist dhe anti-kapitalist, të emërtuar shkurtimisht si “Antifas”, janë mbledhur në disa sheshe kryesore të qyteteve të mëdha franceze, menjëherë pas rizgjedhjes së Emmanuel Macron në krye të shtetit për pesë vitet e ardhshme.
Nën thirrjet “Macron largohu”, qëndrat e qyteteve si Rennes, Nantes apo edhe vetë Parisit, panë mësymjen e grupimeve të tilla të demonstruesve.
Në Rennes, sipas autoriteteve, bëhet fjalë për rreth 250 protestues të grumbulluar.
Në qëndër të Parisit, janë rreth 300 persona të grupimit “Antifas”. Në Nantes, diçka më shumë, me rreth 400-500 persona të mbledhur.
Shumica e demonstruesve janë të rinj e të reja. Pankartat të cilat ata mbajnë në duar, kryesisht shkruajnë fjali të tipit “kemi nevojë për revolucion” apo “Macron largohu”.
Forcat e Policisë franceze ndodhen gjithashtu në terren për të shmangur çdo incident të mundshëm.
Në sheshin e madh Champ-de-Mars në Paris, ku Macron mbajti edhe fjalimin e fitores, simpatizantët e kreut të shtetit janë larguar nga atmosfera festive, për të mos shkaktuar përleshje me demonstruesit, të cilët në duar mbanin edhe flakadanë.
Pavarësisht kësaj, situata aktualisht shfaqet e qetë në shumicën e vendit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë
