Ngjarja digjitale e orëve luksoze në Zvicër

Në Zvicër, prodhuesit e orëve luksoze, pa lancojnë një ngjarje të re tërësisht digjitale të quajtur Watches & Wonders për të treguar produktet e tyre më të fundit me synimin për të nxitur shitjet e rëna gjatë pandemisë.

Agjencia e lajmeve, Reuters, shkruan se suksesi i platformave të orëve në internet duke treguar që orët luksoze mund të shiten në internat ka shtyrë prodhuesit zviceranë, shitjet e të cilëve bazohen kryesisht në dyqane fizike, t’i bashkohen digjitalizimit të shitjeve.

Kjo për shkak të një viti të vështirë në të vitin pandemia goditi biznesin e tyre dhe i drejtoi kah pranisë së tyre në internet dhe zhvillimin a aktiviteteve të ndryshme virtuale.

Nënkryetari ekzekutiv i mallrave të luksit te Hermes-i, Guillaume de Seynes, është shprehur për Reuters se një nga arsyet që biznesi i orëve të kompanisë e përballoi mirë situatën pandemike ishte fakti që klientët e Hermes-it ishin mësuar të kryenin blerje te faqja zyrtare e saj në internet.

Mirëpo, kompani të tjera të ofrimit të orëve luksoze kanë pretenduar të qëndrojnë mbështetës të dyqaneve fizike. Një prej tyre, Patek Philippe, shitjet në internet nuk janë ende një opsion.

“Njerëzit nuk duan të blejnë një Patek në internet, orët janë të shtrenjta, ju humbni bukurinë, magjinë”, ka thënë presidenti i kompanisë, Thiery Stern.

Lidhur me platformën, Watches & Wonders, do t’ju japë mediave dhe shitësve me pakicë akses në prezantimet e mbajtura nga 38 markat pjesëmarrëse.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.