Ish ministri i Jashtëm dhe deputeti i Partisë Demokratike të Kosovës, Enver Hoxhaj, ka kritikuar kryeministrin e Kosovës, Albin Kurti për politikën e jashtme duke e quajtur “çoroditje”.
Hoxhaj, përmes një shkrimi në rrjetin social ‘Facebook’ ka thënë Qeveria s’ka pasur kurrfarë suksesi në politikën e jashtme duke mos arritur asnjë anëtarësim substancial në ndonjë organizëm ndërkombëtar.
Situatën e quajti “çoroditje e politikës së jashtme të Kosovës dhe kulturë të papërgjegjshmërisë së qeverisë”.
“Në vend se ta kishte si rezultat të fundvitit marrjen e statusit të kandidatit të BE-së, marrjen e Partneritetit për Paqe të NATO-s, anëtarësimin në Këshillin e Evropës dhe anëtarësimin e Kosovës në ndonjë organizatë ndërkombëtare, sot bëri të ditur se Asociacioni i Arkitektëve të Kosovës i është bashkuar Këshillit të Arkitektëve të Evropës si anëtare vëzhguese”, ironizoi Hoxhaj.
“Kosova e përmbyllë këtë vit pa asnjë rezultat të vetëm dhe vetëm me lajme për vizitat jashtë vendit që s’kanë qenë asgjë më shumë se vetëm turizëm politik. Çfarë ngadhënjimi qesharak i diplomacisë sot dhe çfarë mjerimi politik!”.
Edhe më 24 nëntor, ish ministri i Jashtëm dhe deputeti i Partisë Demokratike të Kosovës, Enver Hoxhaj, kishte kritikuar kryeministrin e Kosovës, Albin Kurti, pas deklaratës së tij ku kishte thënë se, “statutin e Asociacionit të Komunave me Shumicë Serbe duhet ta publikojnë ndërkombëtarët”.
Kosovës, për dallim nga shtetet e tjera të rajonit, i janë dashur 12 vjet nga lansimi i dialogut për liberalizimin e vizave deri në lëvizjen e lirë në zonën Schengen.
Procesi i liberalizimit të vizave për Kosovën nga ana e Parlamentit Evropian ka zgjatur më së gjati në historinë e procesit të liberalizimit të vizave, kjo pasi që shteteve të tjera të Ballkanit Perëndimor iu deshën 2 deri në 3 vjet.
Maqedonisë së Veriut, Malit të Zi dhe Serbisë iu deshën vetëm 2 vjet nga lansimi i dialogut për liberalizimin e vizave deri në lëvizjen e lirë të qytetarëve të tyre në zonën Schengen. Ndërsa Shqipërisë e Bosnje Hercegovinës 3 vjet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit