Matthijs de Ligt ka arritur marrëveshjen personale me Bayern Munich. Holandezit i është ofruar kontratë me rreth 12 milionë euro në sezon.
Mirëpo, fillimisht bavarezët duhet të bindin Juventus-in për ta lënë të lirë mbrojtësin e tyre.
“Zonja e Vjetër” kërkon 90-100 milionë euro për lojtarin. Bayern deri më tani është ndalur në 70 milionë euro.
Sipas gazetarit italian Luca Momblano, bardhezinjtë kanë kërkuar që, në negociata për De Ligt, të përfshihet edhe anësori bavarez, Serge Gnabry.
Gnabry është vetëm një vit larg përfundimit të kontratës në “Allianz Arena” dhe nuk ka pranuar rinovimin e saj.
Sezonin e fundit me kampionët e Gjermanisë, 26-vjeçari e mbylli me 45 paraqitje, 17 gola dhe 10 asiste.
Vlera e tij në treg është rreth 65 milionë euro.
Por ajo mund të ulet ndjeshëm, duke qenë se ka vetëm një vit të mbetur në kontratë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
