Jude Bellingham është një nga talentet më premtues të futbollit botëror. Anglezi po shkëlqen me fanellën e Borussia Dortmund-it.
19-vjeçari kërkohet në merkato nga disa skuadra të mëdha.
Megjithatë, verdhezinjtë pasi humbën shërbimet e Erling Haaland, nuk do të lejojnë dhe largimin e mesfushorit.
Vera e vitit 2023 pritet të jetë koha kur Bellingham do të lërë “Signal Iduna Park”, për të bërë hapin e madh në karrierë.
Sipas gjermanes “Bild”, Dortmund-i e ka vendosur çmimin minimal për mesfushorin: 120 milionë euro.
Real Madrid, Manchester United dhe Liverpool duhet ta bëjnë gati këtë shumë nëse duan shërbimet e anglezit.
Bellingham ka edhe tri vite të mbetura në kontratë me verdhezinjtë. Ndërsa nuk raportohet që ai të ketë klauzolë lirimi.
Sezonin e fundit, 19-vjeçari u paraqit në 43 ndeshje në të gjitha garat me Dortmund-in, duke realizuar gjashtë gola dhe 14 asiste.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta “harron” Dumanin – akuza dhe paralajmërime për kundërshtarët
-
Realizuam procedurën e paraaplikimit në SEPA, thotë ministri Mete
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar