Janë disa lojtarë me peshë në futbollin botëror, si: Federico Chiesa, Leroy Sane, Kalidou Koulibaly, Miralem Pjanic-i, Luka Jovic-i, apo dhe Ante Rebic-i që kanë diçka të përbashkët – agjentin e tyre.
Fali Ramadani është agjenti i mirënjohur, madje një nga më të njohurit në futbollin evropian.
Ai ka nën administrimin lojtarët e sipërpërmendur. Sigurisht, lista me emra futbollistësh është shumë herë më e gjatë.
Për të gjithë ata që nuk e njohin, Ramadani ka lindur në Maqedoninë e Veriut në 1963.
58-vjeçari nga Tetova është me orgjinë shqiptare.
Ai e nisi karrierën si sipërmarrës në sektorin e hotelerisë dhe, më pas, gradualisht kaloi në botën e futbollit.
Lojtari malazez, Stefan Jovetic-i, ka qenë goditja e parë e madhe e Ramadanit.
Pas Jovetic-it janë shumë emra, sidomos nga Ballkani që Ramadani i ka transferuar në ekipe të mëdha evropiane.
Ndaj edhe ai ka marrë nofkën si (Mino) “Raiola i Ballkanit”.
Sipas të dhënave të “Transfermarkt”-it, ai ka kryer transferime në shifrën totale të 450 milionë eurove.
Aktualisht Ramadani po hetohet për pastrim parash dhe krime të tjera të natyrës fiskale.
Nën hetim kanë përfunduar edhe kalimi i Chiesa-s te Juventus-i, Koulibaly te Napoli dhe Pjanic-i te Barcelona.
“Ai është shumë punëtor dhe ka një rrjet të jashtëzakonshëm. Josh me lehtësi lojtarët, që e respektojnë atë për një arsye: kur premton diçka, ai e realizon”, kështu shprehej rreth një vit më parë gazeta gjermane “Der Spiegel”.
58-vjeçari njihet ndryshe dhe si agjenti që urren të fotografohet dhe nuk i ka qejf intervistat. Daljet e tij në publik janë shumë të pakta.
Dalja e fundit besohet se është gjatë kalimit të Jovic-it te Real Madrid-i, ku ai u shfaq krah futbollistit dhe presidentit të Real-it, Florentino Perez-it.
Ramadani zotëron kompaninë “LIAN Sports Group”, e cila menaxhon lojtarët:
Federico Chiesa – Juventus
Leroy Sane – Bayern Munich
Kalidou Koulibaly – Napoli
Ante Rebic – Milan
Nikola Milenkovic – Fiorentina
Luka Jovic – Real Madrid
Miralem Pjanic – Barcelona
Diego Demme – Napoli
Marco Alonso – Chelsea
Nedim Bajrami – Empoli
Stefan Jovetic – Hertha Berlin
Samir Handoanovic – Inter
Haris Seferovic – Benfica etj…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel