Guvernatori i New York-ut ka shpallur gjendjen e emergjencës sa i takon virusit të poliomielitit.

Kjo pasi është provuar që virusi është përhapur kudo.

Zyrtarët e autoriteteve shëndetësorë thonë se mostrat e marra nga ujërat e zeza të qytetit dhe katër qarqeve fqinje kanë rezultuar pozitive për një poliovirus që mund të shkaktojë paralizë.

Edhe pse vetëm një rast është konfirmuar deri më tani, ai ishte i pari në vend në gati një dekadë.

Poliomielitit ose “Paraliza infantile” është një sëmundje virale që mund të prekë nervat dhe të çojë në paralizë.

Virusi u zhduk kryesisht nga SHBA-të, kur vaksinat nisën të kryheshin në 1955.

Në vitin 1979, SHBA-të shpallën eliminimin e tij.

Por sipas zyrtarëve të New York-ut, normat e vaksinimit janë shumë të ulëta në pjesë të qarkut.

Deklarata emergjente ka për qëllim rritjen e normave të imunizimit.

Nuk ka shërim për poliomielitin, por mund të parandalohet me anë të vaksinës.

Duke prekur kryesisht fëmijët, virusi zakonisht shkakton dobësi dhe paralizë të muskujve, dhe në rastet më të rënda paaftësi të përhershme dhe vdekje.

Departamenti i Shëndetit Shtetëror tha se synon të rrisë normat e vaksinimit nga mesatarja aktuale në mbarë shtetin prej rreth 79% në mbi 90%.

Zyrtarët filluan monitorimin e ujërave të zeza pasi një burrë i pavaksinuar ra në kontakt me virusin në korrik – rasti i parë i regjistruar që nga viti 2013 – dhe pësoi paralizë.

Rasti më vonë u lidh gjenetikisht me poliomielitin paralitik të gjetur në një kampion ujërash të zeza të mbledhura nga qarku Nassau aty pranë.

India dhe Kina bien dakord të tërheqin trupat nga zona e diskutueshme kufitare

New York shpall gjendjen e emergjencës, rikthehet poliomieliti

Brixhilda Xhuraj

Alarmohet Moska nga fitorja e Ukrainës në Kharkiv