Të dielën drama mbizotëroi në ndeshjet e NBA.
Ishte përballja mes New Orleans Pelicans dhe Boston Celtics e cila shkoi në kohë shtesë pas një ndeshje dramatike.
Po ashtu ishte edhe loja mes Los Angeles Clippers dhe Brooklyn Nets e cila përfundoi me rezultat të ngushtë, por me fitore të Nets.
Ndeshja mes Pelicans e Celtics ishte një nga më të mirat këtë sezon. Dy çerekët e parë ishin të barabartë ku nuk kishte dominim total nga Pelicans ose Celtics.
Në çerekun e tretë Boston Celtics arritën të marrin një epërsi të thellë prej 24 pikëve.
Pelicans kanë thyer rekordin e skuadrës, duke kthyer rezultatin prej 24 pikëve në vetëm 18 minuta. Ndeshja shkoi në kohë shtesë dhe përfundoi me rezultat 120-115 në favor të Pelicans.
Më të dalluarit te Pelicans ishin Brandon Ingram me 33 pikë e 6 kërcime dhe ishte vendimtar në kohën shtesë, Zion Williamson i cili kishte 28 pikë e 10 kërcime, ky i fundit duke u treguar vendimtar në kohën e rregullt.
Josh Hart po ashtu kontribuoi me 17 pikë e 10 kërcime dhe Lonzo Ball me 16 pikë e 6 kërcime.
Ndërsa te Celtics ishte Jayson Tatum me 32 pikë e 9 asistime i cili kishte shënuar për të barazuar rezultatin ne kohën e rregullt dhe Jaylen Brown i cili kishte 25 pikë, 6 kërcime e 9 asistime.
GET OFF THE TRACK WHEN THE ZION TRAIN IS COMING THROUGH! pic.twitter.com/QJBmB1CXaO
— New Orleans Pelicans (@PelicansNBA) February 21, 2021
Ndërsa ndeshja mes Clippers dhe Nets përfundoi me rezultat 112-108 në favor të Nets të cilët arritën fitoren e tyre të gjashtë radhazi.
Edhe pse me mungesën e Kevin Durant, Nets shënuan fitore.
Shkaku i performancës fantastike të James Harden, mungesa e Kevin Durant nuk u vërejt shumë.
Më të dalluarit në ekipin e Nets ishin James Harden, i cili realizoi dyshifrorë të dyfishtë me 37 pikë, 11 kërcime e 7 asistime. Për fitoren e Nets kontribuoi edhe Kyrie Irving me 28 pikë e 8 asistime.
Ndërsa te Clippers më të mirët ishin Kawhi Leonard me 29 pikë e 13 kërcime dhe Paul George me 34 pikë, 6 kërcime e 7 asistime. Këta dy të fundit nuk kishin ndihmë nga pjesa tjetër e ekipit, dhe kjo ishte arsyeja pse nuk mundën të fitonin edhe pse kishin performanca të shkëlqyera.
Jab
Jab
Stepback
Swish pic.twitter.com/uuIuGdd2fv— Brooklyn Nets (@BrooklynNets) February 22, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com