Netët e qëndrimit të turistëve të huaj u rritën me thuajse 100% gjatë nëntorit 2023 në Shqipëri
Sektori i akomodimit në Shqipëri ka parë një rritje të madhe në numrin e netëve të qëndrimit nga turistët e huaj në vend, duke shënuar 97.5% më shumë netë në nëntorin e vitit 2023, krahasuar me të njëjtën periudhë në vitin 2022.
Ky është edhe një tregues se Shqipëria tashmë po shihet si një destinacion jo thjesht për muajt e verës, por në 365 ditët e vitit.
Në tërësi, gjatë nëntorit 2023, numri i vizitorëve u rrit me 43.5%.
Kjo shifër lind si një kombinim i rritjes prej 26% të vizitorëve rezidentë në Shqipëri dhe rritjes 60.3% të atyre jo-rezidentë.
Pikërisht këta të fundit, turistët e huaj, janë përgjegjës për shtimin e madh të mbushjes së strukturave akomoduese në vend.
Nëse përllogaritet numri total i netëve të qëndrimit, ai shënon rritje me 79.8%, duke përfshirë rritjen 55.7% për netët e qëndrimit nga rezidentët dhe 97.5% nga jo rezidentët.
Në total, përllogaritet se për shtetasit rezidentë, ka pasur 38 mijë e 247 netë qëndrimi dhe për të huajt, 63 mijë e 681.
Shumica e tyre, mbi 97%, janë akomoduar në struktura hoteliere dhe një numër i vogël në akomodime për pushime, apo hapësira për kampingje.
Sipas rajoneve, ai qendror ka qenë më i ngarkuari, pasi 52% e netëve të qëndrimit përkasin pikërisht aty.
Surprizues ka qenë fakti se veriu ka qenë më i prenotuar se jugu nga të huajt, teksa nga shqiptarët ka qenë më i vizituar jugu.
Shumica e prenotimeve gjithsesi nuk lidhen me zonat bregdetare, pasi mbi 65% e rezervimeve kanë qenë në zona jo bregdetare.
Sipas ndarjes, pjesa më e madhe e turistëve jo rezidentë kanë qenë nga Kosova, 10.7% e totalit, 10.5% kanë qenë italianë (rritje e madhe e tyre) dhe 4.6% kanë qenë gjermanë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit