Nëse Musk shet aksionet, Tesla mund të vlejë shumë më shumë

Në një anketë në median sociale Twitter, kreu i kompanisë Tesla dhe SpaceX, Elon Musk, i pyeti ndjekësit e tij nëse duhet të shiste apo jo një pjesë të aksioneve nga kompania e tij e makina elektrike, për të paguar taksën e miliarderëve që Qeveria në SHBA po përpiqet të vendosë.

Populli vendosi pro shitjes, por ajo që nuk u duk në sy të parë, është fakti se nëse Musk vërtetë i shet aksionet, Tesla mund të rritet shumëfish dhe mund të vlejë shumë më shumë se sa sot.

Në tre muajt e fundit, Tesla ka lëvizur mesatarisht me 19 miliardë dollarë në ditë në bursa. Kjo shifër është më e lartë se çdo kompani tjetër amerikane.

Pas një rënieje në gjysmën e parë të vitit 2021, aksionet kanë parë rritje të madhe në javët e fundit.

Në tërësi, që prej 20 tetorit, stoqet kanë shënuar rritje prej 34%. Kjo e ka bërë makinën elektrike të vlejë mbi 1 trilion dollarë në tregje.

Që prej dhjetorit të fundit, kur Tesla u bashkua me bursën S&P 500, aksionet u rritën me 67%.

Kjo e vë atë në vend të dytë për sa i përket rritjes, me mbi të vetëm kompaninë mëmë të Google, Alphabet.

Nëse do të marrim një krahasim, Microsoft është rritur me rreth 60%. Vetë mesatarja e rritjes në S&P është në 25%.

Ndërsa kompani shumë të mëdha si Apple, Amazon apo Meta, janë midis 18-23%.

Vetë vlerësimi i kompanisë po shkon drejt 1.2 trilionë dollarë.

Ndërsa lajmi i mirë për Musk, është se në gusht, nëpërmjet një klauzole, ai mund të blejë aksione me vetëm 6$ për stok. Çmimi real në tregje është mbi 1 mijë e 100 dollarë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.