Ne-Yo “promovon” poligaminë, thotë se “po e përjeton për herë të parë si fenomen”

Artisti, Ne-Yo e ka pranuar publikisht se është në marrëdhënie romantike me shumë gra në të njëjtën kohë.

“Kjo është hera e parë që kam qenë në një lidhje apo situatë si kjo”, tha artisti 44-vjeç për TMZ, transmeton AlbanianPost.

Këto komente ai i bëri derisa po fliste për jetën e tij të dashurisë teksa ishte në “The Grove” në Los Angeles, pasi atij iu bënë një sërë pyetjesh rreth poligamisë.

Tre herë fituesi i “Grammy-t” po ecte dorë për dore me të dy partneret e tij në kohën kur foli me median.

Ne-Yo u pyet mbi mendimet e tij për legalizimin e poligamisë, ku u përgjigj duke thënë “Legalizimi i poligamisë? Nuk e dija se ishte e paligjshme”.

Ylli i zhanrit “R&B tha se kur bëhet fjalë për çështjet që lidhen me dashurinë dhe romancën, “duhet t’i lini njerëzit të bëjnë çfarëdo dreqin që duan të bëjnë”.

Ylli i hitit “So Sick”, i cili do të udhëtojë në Australi më vonë këtë vit, shtoi: “Sa e di, nuk e lëndon askënd”.

Ne-Yo tha se ndërsa ai do të ishte në pro të legalizimit të poligamisë, ai ka të ngjarë të mos përfshihej në politikën e çështjes.

“Të jem i sinqertë, nuk kam nevojë që qeveria të më thotë se çfarë mund dhe nuk mund të bëj në jetën time personale”, tha ai.

I pyetur nëse çështja mund të ndikojë në punën e tij të ardhshme, vokalisti i “Time of Our Lives” tha se ai duhet të preket emocionalisht për një çështje përpara se të prodhojë materiale për këtë çështje.

“Dua të them që këngët dalin në varësi të situatës dhe rrethanave. Nuk jam mekanik kur bëhet fjalë për muzikën, ndodh organikisht”, shtoi ai.

I pyetur nëse ai e miraton stilin e jetës poligame, Ne-Yo tha: “Unë nuk i rekomandoj asgjë askujt – ajo që funksionon për mua mund të mos funksionojë për ju, ose anasjelltas”.

Ne-Yo finalizoi divorcin e tij vitin e kaluar me ish-bashkëshorten Crystal Renay, 37 vjeçe, pasi ajo pretendoi se ai e kishte tradhtuar.

Ish-e fejuara e Ne-Yo, Monyetta Shaw-Carter, 43 vjeçe, tha në një paraqitje në “Haus of Aaron” verën e kaluar se marrëdhënia e tyre u shkatërrua mes prirjes së tij për të pasur ‘treshe’.

“Unë thashë: ‘Nëse e do këtë, atëherë nuk më don mua”, pati thënë ajo.

Sipas gazetës, Ne-Yo u pa në Majami korrikun e kaluar në një rrethanë të ngjashme, teksa u mbajt për dore me dy gra.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.