Bari “Herceptin” i cili është në listën esenciale për trajtimin e të sëmurëve me kancer, tash e tre javë po mungon në Barnatoren Qendrore të Qendrës Klinike Universitare të Kosovës.
Edhe pse të martën ishte thënë se ky ilaç do të arrinte në Kosovë, kjo nuk ndodhi.
Drejtori i Klinikës së Onkologjisë, Ilir Kurtishi ka thënë për Albanian Post se po presin që të furnizohen me këtë ilaç.
“Jemi duke pritur, po presim që gjatë dy ditëve të ardhshme të arrij ky ilaç në Kosovë”, tha Kurtishi për Albanian Post.
Sipas Kurtishit, kjo ka ndodhur për shkak të mungesës së buxhetit.
“Po, i kemi marrë informatat në Barnatoren Qendrore, kanë thanë që ka pasur mungesë buxheti, por ilaçi vjen këto dy ditë”, u shpreh ai.
Ndërkaq, një ampulë i kësaj barne esenciale nëpër barnatore çmimi është hiq më pak se 1 mijë e 450 euro.
E njëjta dozë është edhe në listën e barnave esenciale që duhet të jepet në Barnatoren Qendrore.
Hericeptina apo qysh njihet ndryshe Trastuzumab është një ilaç për kancer që përdoret në fazat e hershme edhe më të vona të kancerit të gjirit. Po ashtu, kjo barnë përdoret edhe për trajtimin e kancerit të stomakut.
70 për qind e rasteve të vdekjes nga kanceri ndodhin në vendet me të ardhura të ulëta.
Në Kosovë nga numri i përgjithshëm i të prekurve me kancer, te gratë prin kanceri i gjirit, derisa te meshkujt ai i mushkërive. Ndërsa mosha mesatare e të prekurve, është rreth të 50-tave.
Rreth 10 milionë persona brenda një viti vdesin në botë nga kanceri, duke e bërë atë si shkakun e dytë më të shpeshtë të vdekjeve në mbarë botën.
Nga hulumtimet dhe të dhënat botërore që i ka prezantuar Bordi Nacional i Kancerit në Kosovë, thuhet se; brenda vitit në botë janë 14 milionë raste të reja me kancer, derisa parashihet që deri në vitin 2030, numri i rasteve me kancer të arrijë shifrën prej 21.7 milionë në vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Siguria Publike, Balla firmos në Abu Dhabi marrëveshjen për zhvillimin e projektit SMART CITY
-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Dialogu politik dhe çështjet rajonale në fokus të takimit Hasani-Milanoviç
Lajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Shpërblehet përsëri “Apetit SH.P.K”, Komuna e Podujevës i jep tenderë për furnizim me mëshqerra