Në ditën e të drejtave të njeriut, Begaj kujton 75-vjetorin e Deklaratës Universale: Shënjoi historinë
![](https://albanianpost.com/wp-content/uploads/2023/09/bajram-begaj.jpg)
Presidenti i Republikës, Bajram Begaj, ka përcjellë një mesazh në ditën e të drejtave të njeriut, duke sjellë në vëmendje 75-vjetorin e Deklaratës Universale dhe duke e quajtur atë një dokument, i cili shënjoi historinë e të drejtave të njeriut.
Presidenti Begaj thekson rëndësinë e anëtarësisë për herë të dytë të Shqipërisë në Këshillin e të Drejtave të Njeriut të OKB-së, si dhe garanton angazhimin e institucioneve shqiptare në mbrojtjen dhe promovimi e të Drejtave të Njeriut.
“Deklarata Universale e të Drejtave të Njeriut- Dokumenti themelor që ka shenjuar historinë e të drejtave të njeriut mbush sot 75 vjet”, vlerëson kreu i shtetit.
Kjo Deklaratë, sipas Begajt, është ideali i përbashkët për t’u arritur nga të gjithë popujt e gjithë kombet, me qëllim që çdo individ të gëzojë në mënyrë të barabartë dhe pa diskriminin liritë dhe të drejtat themelore njerëzore.
Është një përkim i bukur që në 75 vjetorin e saj, Shqipëria u zgjodh për herë të dytë anëtare e Këshillit të të Drejtave të Njeriut të OKB-së, përshkruan ai.
Teksa, në mbyllje, thotë se “institucionet tona do të vijojnë të mbrojnë e promovojnë të Drejtat e Njeriut për një botë me liri, drejtësi e barazi për të gjithë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com