Në Britaninë e Madhe, 57 notarë u ndjenë keq dhe patën diarre pasi konkurruan në Kampionatin Botëror të Triathlon-it.
Atletët garuan në një pjesë të bregdetit në Sunderland, ku cilësia e ujit është përkeqësuar për shkak të shkarkimit të ujërave të zeza, raporton “The Guardian”.
Rreth 2 mijë njerëz morën pjesë në ngjarje sportive fundjavën e kaluar, duke përfshirë një not në Rocker Beach në Sunderland.
Agjencia e Shëndetit në Mbretërinë e Bashkuar (UKHSA) tha se do të testojë mostrat nga pacientët për të përcaktuar shkakun e sëmundjes dhe patogjenët.
Më 26 korrik, pak ditë para kampionatit, u morën kampione uji në Rocker Beach.
Studiuesit gjetën 3 mijë e 900 koloni E. coli për 100 ml, që është më shumë se 39 herë më e lartë se vlerat tipike për muajin e kaluar.
Megjithatë, Federata Britanike e Triathlon tha se rezultatet e UKHSA-s u publikuan vetëm pasi të kishte përfunduar gara dhe u nxorrën jashtë trupit të ujit ku ishin atletët.
Federata thotë se rezultatet e testimit të saj plotësojnë standardet e nevojshme për garën.
Escherichia coli është një bakter që mund të shkaktojë infeksion, dhimbje stomaku dhe diarre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kush flirton me korrupsionin nuk ka punë me ne, por me drejtësinë
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Lajçaku e Escobari “zhyten thellë” në diskutime