Ndryshimet Klimatike: Shqipëria do të nisë aktivitete për prodhimin e energjisë nëpërmjet erës
![](https://albanianpost.com/wp-content/uploads/2021/11/albania_stockphoto2_870x580-1-768x457-2.jpg)
Ministria e Infrastrukturës dhe Energjisë në Shqipëri ka njoftuar se do të zhvillojë më 24 nëntor 2021 një aktivitet për ofertuesit e mundshëm për tenderin e saj të parë për projektet e prodhimit të energjisë nëpërmjet erës të shkallës së shërbimeve me fuqi totale midis 100 MW dhe 150 MW.
Referuar si “Projekti i Erës”, pjesëmarrja në këtë tendër është e kufizuar dhe mund të aplikojnë projekte individuale me kapacitet ndërmjet 10 MW dhe 75 MW.
Deri në finalizimin e saj ofertuesit do të kalojnë disa faza. Aktualisht është në fazën e parë si projekt.
Zhvilluesit janë të ftuar të dorëzojnë paraqitjet e tyre të kualifikimit deri më 13 qershor 2022 – afati i fundit për të iu përgjigjur kërkesës për kualifikim për propozime nga aplikantët e suksesshëm në fazën e parë.
Ofertuesve më pas do u kërkohet të propozojnë vende për zhvillimet e termocentraleve me erë, financimin, ndërtimin dhe funksionimin. Si dhe për të paraqitur një ofertë financiare. Kjo fazë e dytë do e ketë afatin deri në shkurt të vitit 2023.
Për të lehtësuar procesin e tenderit, webinar-i do të ofrojë informacion të detajuar në lidhje me procedurën e tenderit dhe kërkesat e përzgjedhjes.
Tenderi është pjesë e veprimit të qeverisë shqiptare për energjinë dhe ndryshimet klimatike për të diversifikuar burimet e rinovueshme të energjisë, për të ofruar energji të sigurt dhe për të tërhequr investime të mjaftueshme në teknologjitë e qëndrueshme me karbon të ulët.
“Konferenca e Ofertuesve” do të zhvillohet virtualisht, në një “Webinar Zoom”, më 24 nëntor 2021 nga ora 14:00 – 16:45.
Një ftesë e hapur është publikuar në faqen zyrtare të Ministrisë. Ofertuesit e mundshëm dhe palët e tjera të interesuara mund të regjistrohen online.
![](https://albanianpost.com/wp-content/uploads/2021/11/AP81212264095-1024x683.jpg)
Më herët Qeveria shqiptare ka shprehur përkushtimin e saj për ta vendosur vendin në një rrugë konsistente drejt synimin të energjisë së rinovueshme dhe nxitjen e veprimeve ambicioze për ndryshimin e klimës, duke maksimizuar përfitimet dhe minimizuar kostot për konsumatorët dhe taksapaguesit.
Pikërisht për këtë qëllim, më 22 qershor të këtij viti MIE-ja nisi dhe procesin e tenderimit me dy faza për përzgjedhjen e prodhimit të energjisë nëpërmjet erës.
Shqipëria dhe energjia e rinovueshme
Agjencia Kombëtare e Burimeve Natyrore në Shqipëri (AKBN) bëri me dije në muajin shtator se 29 kompani kanë marrë miratimin paraprak ose përfundimtar për ndërtimin e impianteve të prodhimit të energjisë nga dielli dhe era.
Në këtë mënyrë do të shihet, sipas agjencisë, edhe një rritje e kapaciteteve gjeneruese ne vend.
AKBN-ja njoftoi gjithashtu se deri në fund të këtij viti pritet certifikimi i 12 impianteve fotovoltaikë.
Detajet mbi statusin e këtyre miratimeve u bënë me dije gjatë workshop-it “Promovimi i masave evropiane për energjinë e rinovueshme të qëndrueshme”.
Fokusi i këtij projekti, të financuar nga Bashkimi Evropian, ishte rëndësia e energjisë së rinovueshme.
Shtetet të përfshira në këtë projekt janë Italia, Shqipëria dhe Mali i Zi.
Më mirë se vendet e rajonit
Kryeministri i Shqipërisë, Edi Rama, ka deklaruar më herët se dy termocentralet e mëdha diellore që Voltalia do të ndërtojë, do ta çojnë Shqipërinë në krye të Ballkanit në këtë sektor.
Rama shprehu ambicien që vendi të bëhet një kampion rajonal në prodhimin e energjisë së rinovueshme deri në vitin 2030.
Shqipëria ishte zhytur në mbeturinat dhe ndotjen e tetë viteve më parë, por tani është “shumë më ndryshe”, nënvizonte kryeministri gjatë një fjalimi që shënonte fundin e fushatës elektorale të 25 prillit.
“Sidoqoftë, që ne të bëhemi kampionë rajonalë të pakrahasueshëm deri në fund të kësaj dekade, lufta për mbrojtjen e mjedisit duhet të intensifikohet, pasi landfillet primitive dhe ndotja shqetësuese e ujit dhe ajrit janë vetëm pjesa më e dukshme e problemeve mjedisore”, shtoi më tej Rama.
![](https://albanianpost.com/wp-content/uploads/2021/11/AP050720026306-1024x462.jpg)
Programi i investimeve, i nisur gjatë mandatit të dytë, është “një shkak për entuziazëm” për të parë që vendi të bëhet “kampioni rajonal i prodhimit të rinovueshëm deri në vitin 2030”, sipas fjalëve të tij.
Qeveria i hapi rrugën Voltalia-s të ndërtojë termocentrale diellore në Karavasta dhe Spitalle, “më të mëdhatë në rajon”.
Vendi do të bëhet një eksportues neto i energjisë deri në fund të dekadës, ravijëzoi kryeministri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia e Shtetit pjesë e operacionit ndërkombëtar për lirimin e emigrantëve të marrë peng në Mal të Zi
-
Alastair King-Smith takim me Nikollën: Dispozitat e reja për votimin e diasporës do të mundësojnë lidhje më të forta
-
Fredi Beleri kërkoi pezullim të dekretit të Begajt për zgjedhjet, çështja kalon në seancë gjyqësore
-
Përleshja me armë në Thumanë, 4 të arrestuar
Lajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Balla pret Wisner: SHBA, mbështetje Shqipërisë në sfidat e sigurisë publike
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
-
Edhe zyrtarisht Lajçak-ut i zgjatet mandati deri më 31 janar 2025