Pandemia ka ndikuar edhe në funksionin e ambjenteve ku janë zhvilluar evente kulturore. City Hall, ambjenti ku mblidhet Këshilli i Bashkisë së Stokholmit në Seudi, si dhe vendi që pret ceremoni të mëdha, përfshirë dhe ato të ndarjes së çmimeve Nobel, tanimë shërben si qendër vaksinimi.
Doktoresha e cila po ndihmon me organizimin e proçesit të vaksinës, Charlotta Zacharias, e ka vlerësuar maksimalisht hapsirën.
“Jemi shumë me fat që kemi këtë vend për të kryer vaksinimin, është hapësirë e madhe dhe mund të vijnë shumë njerëz. Kjo është historike”, është shprehur ajo.
Në vijën e parë të marrjes së vaksinës janë vetë stafi mjekësor. Njëri nga ata e ka përshkruar vaksinimin në atë ndërtesë si një emocion të veçantë.
“Të vaksinohesh në City Hall ishte shumë e bukur, me tavanet e larta, e ajrosur dhe e këndshme. Nuk kisha qenë këtu më parë”, është shprehur Anneli Ljungqvist.
Ndërtesa e City Hall, është një nga shembujt kryesorë të romantizmit në arkitekturë. Ajo është projektuar nga arkitekti, Ragnar Östberg, dhe është ndërtuar nga tetë milionë tulla.
Kulla e lartë 106 metra ka në majën e saj tre kurora, me stemën kombëtare suedeze. Pas fasadave të mrekullueshme ndodhen zyrat dhe sallat e seancave për politikanë dhe zyrtarë, si dhe dhomat e mbledhjeve të artit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Artistët refuzojnë të hapin pavionin e Izraelit në Bienalen e Venecias, derisa të arrihet armëpushimi
-
Reuters shkruan për statujën e Tony Blair që do zbulohet këtë qershor në Ferizaj
-
“Gjeniu i pavarur modern”, The Telegraph me artikull dedikuar orëpunuesit shqiptar Rexhep Rexhepi
-
Muzeu Britanik nën hetim mbi artefaktet etiopiane të fshehura për 150 vjet
Lajmet kryesore
-
Ekskluzive: Liburn Aliu e Naser Hafizi ia shlyen kompanisë “Fluidi” borxhin prej 3.5 milionëve për vetëm 13 mijë euro
-
Sulmet ndaj gjyqësorit nuk janë të denja për demokracinë, thotë ambasadori i BE-së
-
Mes Bashar al-Assad dhe Iranit, përçarja po thellohet
-
S’ka marrëveshje për dinarin, saga vazhdon javën tjetër