Ndërron jetë nxënësja më e vjetër në botë e shkollës fillore

Një grua 99-vjeçare, që besohet të jetë nxënësja më e vjetër në botë e shkollës fillore, ka vdekur në mënyrë paqësore në shtëpinë e saj në Kenia.

Lajmi u bë i ditur nga multimediali britanik “BBC”, duke cituar nipin e saj.

Priscilla Sitienei filloi të zhvillonte komplikime shëndetësore pasi ndoqi mësimin të mërkurën.

Ajo dhe shokët e saj 12-vjeçarë të klasës po përgatiteshin për provimet përfundimtare që do të fillonin javën e ardhshme.

Historia e Sitienei-t frymëzoi një film dhe lëvdata nga agjencia e kulturës dhe arsimit e OKB-së, “Unesco”.

Ajo u rrit në një Kenia të pushtuar nga britanikët dhe jetoi luftën e vendit të saj për pavarësi.

Sitienei u shpreh vitin e kaluar se donte të motivonte nënat e reja që të ktheheshin në shkollë.

Ajo iu bashkua Shkollës Përgatitore të Leaders Vision në vitin 2010, por gjithashtu i shërbeu fshatit të saj Ndalat në Luginën e Riftit si mami për më shumë se 65 vjet.

E njohur me përkëdheli si “Gogo”, që do të thotë gjyshe në gjuhën lokale Kalenjin, ajo i tha BBC-së në vitin 2015 se më në fund po mësonte të lexonte dhe të shkruante – një mundësi që nuk e kishte kurrë si fëmijë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.