Administrata Biden, e sapo betuar në Shtetet e Bashkuara të Amerikës, ka nderuar mes shumë personalitetesh botërore dhe Ardian Dvoranin.
Titulli vjen si vlerësim për ata që kanë përkrahur me guxim përpjekjet antikorrupsion dhe thërret vendet që të punojnë për të përmbushur zotimet e tyre ndaj standardeve ndërkombëtare të antikorrupsionit.
Këta individë kanë qënë të palodhur, shpesh përballë fatkeqësive, për të mbrojtur transparencën, për të luftuar korrupsionin dhe për të siguruar llogaridhënie në vendet e tyre, thotë ndër rreshta deklarata e Blinken.
Në kuadrin e shumë çmimeve ndërkombëtarë për luftën ndaj korrupsionit, ky titull vjen nga rangu i Shteteve të Bashkuara të Amerikës.
Të gjithë këta persona dhe figura publike kanë qënë përkrahës të qasjes së partnerëve amerikanë ne fushatat e tyre anti-korrupsion e më gjerë.
Titulli si vlerë
Dvorani është një person që u rendit mes figurave të tjera të nderuara: Diana Salazar e Ekuadorit, Sophia Pretrick e Shteteve të Federuara të Mikronezisë, Juan Francisco Sandoval Alfaro i Guatemalës, Ibrahima Kalil Gueye i Guinesë, Anjali Bhardwaj i Indisë, Dhuha A. Mohammed nga Iraku, Bolot Temirov të Republikës së Kirgistanit, Mustafa Abdullah Sanalla nga Libia, Viktor Sotto nga Filipinet, Francis Ben Kaifala nga Sierra Leone dhe Ruslan Ryaboshapka i Ukrainës.
Fill pas publikimit zyrtar në faqen e Departamenti të Shtetit, ka ardhur dhe reagimi i menjëhershëm në Twitter i kryeministrit Edi Rama.
Ardian Dvorani u godit harbutërisht pikërisht se nuk iu dorëzua presionit të së Keqes dhe ky vlerësim rrezatues e shkrin krejt atë baltë imoraliteti politik e mediatik, që u hodh pa kursim mbi të, duke provuar edhe njëherë se e drejta vonon po nuk harron https://t.co/55nu9NQhAN
— Edi Rama (@ediramaal) February 23, 2021
Në deklaratën e bërë publike, Presidenti Biden dhe politika amerikane në tërësi theksojnë angazhimin për të vërtetën, transparencën dhe llogaridhënien.
Këta individë shihen si imazhe ideale të aspekteve dhe problematikave globale në ndjekje të një lufte të vazhdueshme kundër fenomenit të korrupsionit.
Në përfundim të deklaratës kemi dhe bilancin e përvitshëm. Vetëm në dy vitet e fundit në Amerikë ka rimarrë dhe kthyer më shumë se 1 miliard dollarë në pasuri të vjedhura publike.
Ardian Dvorani ish-prokurori komunist, ish-gjyqtar i lartë, një figurë mbi të cilën janë hedhur shumë akuza. E vijmë deri tek episodi i pushimit të tij nga Këshilli i Emërimeve në Drejtësi (KED).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Tensione sërish te Bashkia Tiranë, protestohet me molotov
-
Prokuroria Elbasan konfirmon se personi i vrarë në burgun e Peqinit është Arben Lleshi
-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural