Ylli i Minnesota Timberwolves, Anthony Edwards u gjobit me 40,000 dollarë nga NBA të martën për komentet homofobike që ai bëri në llogarinë e tij në Instagram.
“Edwards është gjobitur me 40,000 dollarë për përdorimin e gjuhës fyese dhe poshtëruese në mediat sociale”, tha në një deklaratë Byron Spruell, presidenti i operacioneve të ligës.
Anthony Edwards has been fined $40,000 for using homophobic language on social media. pic.twitter.com/ziYtzwWfRm
— Malika Andrews (@malika_andrews) September 20, 2022
Dy javë më parë Edwards, i cili mbushi 21 vjeç në gusht, postoi një video në Instagram të shkrepur nga një makinë, duke treguar një grup burrash që qëndronin në një rrugë pa këmishë.
Në videon e fshirë tashmë, 22-vjeçari i ofendon një grup njerëzish për seksualitetin e tyre ndërsa kamera zmadhon njerëzit brenda një makine. Ai gjithashtu mund të dëgjohet duke thënë: “Shiko çfarë ka bërë bota, vëlla” para se të përfundojë video. Postimi më vonë u bë viral në Twitter, duke gjeneruar një valë kritikash.
Presidenti i Minesota Timberwolves, Tim Connelly, shprehu zhgënjimin total me Anthony Edwards pasi lojtari bëri komente homofobike për komunitetin LGBTQ+ në një video të postuar në faqen e tij në Instagram gjatë fundjavës.
Pas kritikave të ashpra që mori nga publiku në rrjetet sociale, lojtari i Timberwolves kërkoi falje.
“Ajo që thashë ishte e papjekur, fyese dhe mosrespektuese dhe më vjen keq”, shkroi ai në Twitter. “Është e papranueshme që unë apo dikush ta përdorë atë gjuhë në një mënyrë kaq ofenduese, nuk ka asnjë justifikim për këtë. Unë jam rritur më mirë se kaq!”.
Edwards, i cili kishte mesatarisht 21.3 pikë për lojë sezonin e kaluar, u zgjodh me zgjedhjen nr. 1 në Draft 2020 dhe është një nga yjet në rritje të NBA-së.
Edwards është gjithashtu i njohur për rolin e tij si aktor dytësor në filmin popullor ‘Hustle’, i publikuar këtë vit dhe me Adam Sandler dhe spanjollin Juancho Hernangomez, gjithashtu një lojtar në NBA.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dokumentari i Rai 3: Ironi dhe akuza në Kuvendin e Shqipërisë
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Nga padia shtetërore për gjenocid institucionet “tkurren” në padi civile për Serbinë në Këshillin e Evropës