Drejtori i Përgjithshëm i Policisë së Shtetit, Gledis Nano, ndodhet në SHBA, për një vizitë pune disaditore.
Nano udhëtoi në Washington DC, me shefen e Zyrës së Sigurimit të Ambasadës Amerikane në Tiranë.
Në ditën e parë të vizitës, Nano takoi në Washington DC, ambasadoren e Republikës së Shqipërisë, znj. Floreta Faber.
Ai është duke vijuar takimet me zyrtarë të lartë të agjencive ligjzbatuese në Amerikë.
Qëllimi i takimeve, që po zhvillon Nano me zyrtarë të lartë të agjencive ligjzbatuese Amerikane, synon rritjen e bashkëpunimit për shkëmbim informacioni, hetime dhe operacione të përbashkëta në luftën kundër krimit të organizuar, korrupsionit dhe terrorizmit.
Policia e Shtetit e ka prioritet kryesor bashkëpunimin me partnerët dhe agjencitë ligjzbatuese ndërkombëtare dhe në veçanti me partnerët strategjikë siç janë Shtetet e Bashkuara të Amerikës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë