Trajneri aktual i Bayern Munich-ut, Julian Nagelsmann, ka refuzuar ta marrë stolin e Manchester United-it nga sezoni i ardhshëm.
Manchester-i është duke kërkuar për një trajner të ri, kur ai i Ajax-it, Erik ten Hag, është në krye të listës, por së fundmi anglezët kanë kontaktuar edhe teknikun e Bayern-it, Nagelsmann.
Sipas asaj që shkruan “Independent”, drejtuesit e klubit anglez kanë kontaktuar trajnerin gjerman për të marrë stolin e tyre, por ata kanë marrë një përgjigje të menjëhershme negative.
Kujtojmë që Nagelsmann u transferua nga Leipzig-u te Bayern-i në verën e kaluar dhe u konsiderua zgjidhja më e mirë për të zëvendësuar ish-trajnerin që fitoi gjithçka me bavarezët, Hansi Flick.
Sipas raportimeve, Bayern-i pagoi më shumë se 20 milionë euro për trajnerin e ri dhe i dha atij një kontratë pesë-vjeçare duke e bërë të parin në historinë e klubit për paratë e shpenzuara dhe për jetëgjatësinë e kontratës.
Ndërsa, sa i përket Manchester United, ata drejtohen aktualisht nga trajneri ish-trajneri i Leipzig-ut, Ralf Rangnick, të cilit në fund të sezonit i përfundon kontrata me “djajtë e kuq”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
