Nagelsmann nuk do të emërohet trajner i Chelsea-t apo Tottenham-it, tjetër klub i madh pritet ta marrë atë
Chelsea dhe Tottenham ishin dy ekipet pretendente për ta marrë në ekip trajnerin e njohur gjerman, Julian Nagelsmann.
Megjithatë, një lajm i fundit që po qarkullon në media, ka bërë të ditur se Nagelsmann do t’i refuzojë dyja ofertat në rast se vijnë në drejtim të tij.
Bëhet e ditur se gjigandi francez, Paris Saint-Germain e ka kontaktuar trajnerin gjerman për ta marrë drejtimin e tyre për sezonin e ardhshëm.
Gazetari Abdellah Boulma raporton tani se trajneri aktuali i PSG-së, Christophe Galtier, “nuk do të jetë më” trajner në klub sezonin e ardhshëm.
C #Galtier n’officiera plus en tant qu’entraîneur du PSG la saison prochaine. Une éviction à court terme est même sérieusement envisagée par la Direction. En parallèle, le PSG a établi un premier contact avec Julian #Nagelsmann , bien qu’il figure dans la short list de Chelsea.
— Abdellah Boulma (@AbdellahBoulma) April 5, 2023
Sipas Boulma, PSG ka “bërë kontaktin e parë” me Nagelsmann me shpresën që ai të zëvendësojë Galtier në verë.
Galtier u vu nën presion në rritje pasi PSG u eliminua nga Bayern Munich në fazën e 1/8-ve të Ligës së Kampionëve.
Pra, si për ironi të fatit, u eliminua pikërisht nga gjermanët që u udhëhoqën nga Nagelsmann.
Në anën tjetër, flitej se Chelsea shihej top favorit për të marrë shërbimet e trajnerit 35-vjeçar, pas shkarkimit të Grahm Potter të dielën e kaluar.
Gjithashtu edhe Tottenham-i shihej favorit pasi shkakruan Antonio Conte-n.
Por, duket se Nagelsmann do të pushojë deri në fund të sezonit, pastaj në vitin tjetër të marrë drejtimin e kampionëve të Francës.
Kujtojmë që gjermani ishte një “shkarkim surprizë” nga Bayern Munich, vendin e të cilit e mori ish-trajneri i Chelsea-t dhe Dortmund-it, Thomas Tuchel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit