Trajneri i Bayern Munich-ut, Julian Nagelsmann, nuk do të jetë i pranishëm në sfidën e të mërkurës ku bavarezët përballen me Borussia Monchengladbach-un.
Bayern-i do të udhëtojë në “Borussia Park” për llogari të raundit të dytë në Kupën e Gjermanisë, DFB Pokal.
Gladbach-u është ndër skuadrat e vetme që ka arritur t’i marrë pikë Bayern-it këtë sezon. Në ndeshjen e parë të Bundesliga-s, ata barazuan në shifrat 1-1, pikërisht në “Borussia Park”.
Mungesa e Nagelsmann-it në këtë ndeshje është për shkakun se ai ende nuk është shëruar pasi rezultoi pozitiv në testin e COVID-19. Tekniku ka munguar edhe dy ndeshjet e fundit në kampionat.
“Faleminderit, jam mirë. Gjithçka është në rregull. Fatkeqësisht nuk kam udhëtuar në Gladbach pasi jam ende i izuluar”, tha Nagelsmann-i gjatë një videotelefonate për mediat gjatë kësaj të marte.
“Kam bërë një tjetër test dje dhe për fat të keq nuk mund të largohem ende që këtu”, shtoi tekniku.
Në munges të Nagelsmann-it, skuadra do të drejtohet nga treshja Dino Toppmoller-i, Benjamin Gluck-u dhe Xaver Zembrod-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Pas përgjigjes iraniane, Hezbollahu po përgatitet për të gjithë skenarët
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
