Futbollisti i Kosovës, Vedat Muriqi, i ka dhuruar 15 mijë euro donacion për të prekurit nga tërmeti i fundit që goditi një pjesë të Turqisë dhe Sirisë.
Tërmeti që ndodhi në orët e hershme të mëngjesit të së hënës, deri më tani ka lënë të vdekur gati 4 mijë persona në Turqi dhe rreth 2 mijë të tjerë në Siri.
Shumë shtete i dolën në ndihmë të prekurve, derisa këtë e bëri edhe Muriqi.
Sulmuesi i dardanëve e kaloi pjesën më të mirë të karrierës së tij në futbollin turk, ku ishte pjesë e skuadrave: Fenerbahce, Rizespor, Gençlerbirliği e Giresunspor.
Ai tani vazhdon të shkëlqejë me Mallorca-n në La Liga-n spanjolle, i cili së fundmi pati paraqitje shumë të mirë ndaj Real Madrid-it, ku u shpall edhe lojtari i ndeshjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
