Murati akuzon Prokurorinë Speciale se “hodhi në ujë” një kallëzim penal pas përfshirjes së “kastës së vjetër”
Ministri i Financave, Punës dhe Transfereve, Hekuran Murati, nëpërmjet një postimi në llogarinë e tij në “Facebook”, ka akuzuar Prokurorinë Speciale të Kosovës se në mënyrë të paarsyeshme ia ka hedhur poshtë kallëzimin penal në rastin e shpronësimeve për rrugën Kijevë-Zahaq.
Ai ka thënë se ndonëse kallëzimit penal ia kishte bashkangjitur edhe raportin e auditimit, i cili, sipas tij, kishte gjetur se vlera e pronave për shpronësim ishte vlerësuar pesëfish më shumë nga qeveritë e mëparshme, ishte “hedhur në ujë” nga Prokuroria Speciale.
“Si qeveri që e lufton korrupsionin, krejt çfarë ka qenë në dorën tonë e kemi bërë. Pra, indetifikimin e rastit. Mbledhjen e provave, dhe dorëzimin e tyre në prokurori. Kemi anuluar edhe vendimin për shpronësim, në mënyrë që të mbrohet buxheti nga paditë potenciale”.
“Një hetim i mirëfilltë i zhvilluar nga prokuroria do të nxirrte në pah edhe arsyet se pse u bënë këto rritje të vlerave, dhe kush i kishte porositur. Por çfarë ka bërë Prokuroria Speciale? E hedh poshtë kallëzimin penal”, ka shtuar ndër të tjera ministri Murati, të dielen.
Ai ka pretenduar se në rastin në fjalë dhe ndër arsyet që kallëzimi penal për fryerjen e vlerës së shpronësimit ishte hedhur poshtë nga Prokuroria Speciale, kishte të bënte me përfshirjen e “kastës së vjetër”, ndërsa ka aluduar se rasti ishte hedhur poshtë nga prokurori Milot Krasniqi.
“Pra të gjitha provat e faktet hidhen në ujë, sepse bëhej fjalë për një rast ku ishte e përfshirë kasta e vjetër. Se kush ka qenë prokurori i ngarkuar me këtë rast, besoj e keni shumë të lehtë t’ia qëlloni”, ka shkruar ministri Murati në llogarinë e tij.
Ky reagim i ministrit Murati vjen pas arrestimit të tre personave – dy zyrtarë të Ministrisë së Industrisë, Ndërmarrësisë dhe Tregtisë (MINT) dhe një biznesmeni të afërt me kryeministrin Albin Kurti – nën dyshimet se kanë bërë keqpërdorime gjatë procedurave për blerjen e rezervave shtetërore.
Prokuroria Speciale e Kosovës ka bërë me dije se të arrestuarit dyshohen për “keqpërdorim të detyrës zyrtare” dhe “dhënie e ndihmës në kryerjen e veprës penale të keqpërdorimit të detyrës zyrtare”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Izraeli nuk do të dorëzohet ndaj kërkesës së Hamasit për t’i dhënë fund luftës, thotë Netanyahu
-
Serwer e cilëson “marrëzi” pritjen e ndërkombëtarëve që Kurti të kryejë “vetëvrasje politike” duke e themeluar Asociacionin
-
Arrestohen tre persona në Fushë Kosovë, iu konfiskohet kokainë
-
Al Jazeera pas mbylljes nga Izraeli: Vendim i rrezikshëm, drejt përgjigjes ligjore
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Abraham bën thirrje që të respektohen standardet evropiane: Kosova në Këshill të Evropës për stabilitetin e rajonit