Artisti anonim i rrugës, Banksy, ka konfirmuar se ka përfunduar në total shtatë vepra të reja në Ukrainë.
Ai e ka konfirmuar lajmin për “The Art Newspaper’ pasi një seri muralesh që dyshohet se janë të tijat u shfaqën në qytetin e çliruar ukrainas, Borodianka, i cili ndodhet rreth 35 milje në veriperëndim të Kievit.
Sakaq, punime të tjera ndodhen në kryeqytet dhe qytete të tjera të rajonit.
Vepra e parë që u identifikua tregon një gjimnaste duke gjetur balancën mbi një grumbull rrënojash në anën e një ndërtese të dëmtuar nga sulmet ruse.
Një tjetër vepër përshkruan një djalë të vogël, i veshur me një uniformë të arteve marciale të lidhur me një rrip të zi, duke rrokullisur një burrë të rritur në shpinë.
Disa e kanë lidhur imazhin me presidentin rus Vladimir Putin, rripi i zi i nderit të cilit iu hoq në fillim të këtij viti nga World Taekwondo.
Megjithatë, Banksy nuk e ka komentuar publikisht imazhin apo kuptimin e tij.
Borodianka u godit veçanërisht rëndë nga sulmet ajrore dhe bombardimet ruse në ditët e para të pushtimit të Ukrainës, me shumë ndërtesa të shndërruara në grumbuj rrënojash nga sulmet me rreze të gjatë.
Ishte shtëpia e 13 mijë njerëzve para luftës, por shumica u larguan pas pushtimit.
Çka mbeti nga qyteti u pushtua më pas nga forcat ruse, të cilat u zhvendosën më 28 shkurt.
Qyteti u kthye në kontrollin ukrainas më 1 prill dhe banorët e kthyer gjetën shtëpitë e tyre të plaçkitura dhe dyqanet me xhama të thyer dhe brenda të vjedhur.
Prej asaj kohe, qyteti ka qenë fokusi i përpjekjeve për rindërtim, me disa blloqe kullash të shkatërruara si rezultat i dëmeve të shkaktuara nga luftimet.
Ndërkohë, kjo është seria më e fundit e artisti anonim që nga “Great British Spraycation” verën e kaluar.
Vitin e kaluar, ai i fokusoi përpjekjet e tij në mbledhjen e parave për kauza sociale dhe politike, duke nxjerrë në ankand një pikturë për një rekord prej 23.1 milionë dollarësh për organizatat e kujdesit shëndetësor në Mbretërinë e Bashkuar.
Gjithashtu shiti bluza në mbështetje të protestuesve antiracistë të arrestuar për rrëzimin e një statuje të Edward Colston në Bristol.
“Ky është një moment kaq historik për vendin tonë, sa njerëz si Banksy dhe figura të tjera të famshme po vijnë këtu dhe i tregojnë botës se çfarë na ka bërë Rusia”, ka thënë një banor i Kievit.
Marrë nga “CNN”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD
-
Haxhiu, kryetarëve të komunave: Zbatoni obligimet që dalin nga Strategjia kundër dhunës
-
Ku mund ta zhvendosë Hamasi degën e tij politike?
-
Kamberi: Raporti i DASH-it potencon se pasivizimi i adresave të shqiptarëve në Luginë të Preshevës është i papranueshëm
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD