Ernest Muçi është lojtari i momentit.
Ai është kthyer në heroin e Legia-s së Varshavës.
Kjo, duke i nxjerrë triumfues me një dopietë personale përballë anglezëve të Aston Villa-s të cilët drejtohen nga trajneri Unai Emery.
Forma e tij e shkëlqyer nuk ka kaluar pa u vënë re as nga trajneri Sylvinho, i cili gjendej në mitikun “Marshall Józef Piłsudski”.
Sulmuesi tiranas ia ka shpërblyer më së miri besimin trajnerit të polakëve që e sheh si pikë kyçe të formacionit.
Polakët fituan një ndeshje në shtëpinë e tyre në Varshavë, të vlefshme për fazën e grupeve të Conference League.
Ishte Muçi njeriu i ndeshjes, pasi shkundi dy herë portën e mbrojtur nga portieri kampion i botës, Emiliano Martinez.
Sulmuesi kuqezi e nisi si titullar sfidën dhe në minutën e 26-të shënoi për të çuar rezultatin në 2-1, në favor të Legia-s.
21-vjeçari do të shënonte edhe në minutën e 51’, golin e dytë personal dhe të tretin për Legia-n duke e dërguar ekipin në avantazh.
Goli ishte spektakolar, me Muçin që plot stil rrëmben një top në mesfushë dhe i vetëm përballë tre kundërshtarëve e çon me të majtën topin në rrjetë.
Ky gol mjaftoi që polakët të fitonin sfidën e parë të grupit të tyre kualifikues.
Deri më tani, Muçi ka realizuar shtatë gola në të gjitha kompeticionet, duke i dhënë një mesazh të fortë trajnerit brazilian të kombëtares kuqezi për ndeshjet e ardhshme.
Ernest Muçi on 🔥#UECL pic.twitter.com/fWvHKXEIs5
— UEFA Europa Conference League (@europacnfleague) September 21, 2023
Pas përfundimit të sfidës, ai është vlerësuar edhe nga institucioni evropian i futbollit “UEFA”.
Në faqen zyrtare, është postuar një foto e talentit shqiptar me mbishkrimin: Ernest Muçi on fire.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE