Mrekullia e “golave të pamundur” të Roberto Carlos-it

“Përveçse është ndër gjuajtësit më të mirë, ai gjithashtu është edhe ndër mbrojtësit më të mirë të të gjithë kohërave” – Ronaldinho.

“Goli i pamundur” i brazilianit Roberto Carlos, është ende një çështje për të cilën kërkohet një shpjegim i vërtetë shkencor, në mënyrë që të shpjegohet se si ndodhi: rastësi, mjeshtëri e një niveli jashtëtokësor, apo thjesht “Dora e Zotit”?

Mënyra sesi u ekzekutua e deri në momentin kur topi përfundoi në rrjetë e u quajt thjesht “gol”, bëri që Roberto Carlos të ngulitej mirë në historinë e futbollit, por mbi të gjitha, në Himalajën e më të mëdhenjve të të gjithë kohërave.

Minuta 46′

Carlos ka qenë gjithmonë qendërmbrojtës, por me cilësitë e një mesfushori dhe me “urinë” e golit që pajiset një sulmues. Topi pasohet drejt tij, ndërkohë Carlos ishte shkëputur nga prapavija për t’ju bashkuar sulmit, me shpresën që t’u shtohej numrave të paravijës së Real-it dhe natyrisht, për ta çuar topin në rrjetën e Tenerife-ve.

Habi më vete ishte vetë aftësia se si arriti ta mbante topin nën kontroll, pasi vraponte me sa fuqi kishte. Ndërkohë që, po me aq shpejtësi sa dominoi pasimin, po aq shpejt në mos më shumë, Carlos-i e gjeti veten buzë vijës fatale të Tenerife-ve.

Topi vazhdonte të pluskimin mbi fushën e blertë dhe thuajse i dalë jashtë fushës, Carlos lëshon një predhë që u duk si pasim në vështrim të parë, por shumë pak çaste më pas, kush i kish mbyllur sytë duke u lutur për një mrekulli, kuptoi që ato ndodhin me të vërtetë. Topi mori një hark krejtësisht të pazakontë dhe përfundoi në portën e Tenerife-ve.

On This Day in 1998 🗓️

Roberto Carlos volley scored this insane volley from a ridiculous angle.

🤯pic.twitter.com/si6zQ6IxB4

— Classic Football Shirts (@classicshirts) February 21, 2021

Mrekullia që krijoi këmba e majtë e Carlos-it, nuk la gojëhapur vetëm shokët e ekipit të tij dhe ata të ekipit kundërshtar, por edhe atë vetë. Filmimet e pas-golit tregojnë një Carlos me dorën në gojë – i mrekulluar aq sa i habitur, e i gëzuar bashkë.

Ishte data 1 shkurt 1998 dhe Real Madrid-i ndeshej me Tenerife-n. Një ndeshje të cilën Los Blancos e humbën 4 – 3. Gjithsesi, rëndësi ka që ajo ndeshje kurorëzoi edhe një herë aftësitë hyjnore që ka këmba e majtë e Carlos-it.

Brazil vs Francë

Ndërkohë që jo më larg se një vit përpara, në Turneun e Francës, parapërgatitori i Botërorit 1998, i grumbulluar në Kombëtaren e Brazilit, Carlos realizoi një ndër goditjet e lira më të bukra dhe më të pabesueshme të historisë së futbollit.

Kështu që, legjenda braziliane riafirmoi vlerën e tij të padiskutueshme jo vetëm për Brazilin dhe Real Madrid-in, por për çdo tifozë apo sportdashës që vlerëson madhështinë e një momenti të vetëm dhe gjenialitetin e mpiksur brenda një trupi njeriu.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.