Real Madrid ka konfirmuar se Marcelo dhe Luka Modric kanë rezultuar pozitivë me COVID-19.
Braziliani është gjetur rregullisht në stol së fundmi, por mungesa e kroatit do të jetë e dukshme, veçanërisht pas paraqitjes së tij të pabesueshme në derbin e Madridit fundjavën e kaluar.
“Real Madrid informon se lojtarët tanë Marcelo dhe Luka Modric kanë rezultuar pozitivë me COVID-19”, thuhet në deklaratën e Real Madridit.
Real Madridi do ta presë Cadizin të dielën, më 19 dhjetor, përpara se të bëjë një udhëtim për t’u përballur me Athletic Bilbao-n, disa ditë pas të mërkurës, më 22 dhjetor.
Prandaj pritet që Marcelo dhe Modric të mos jenë të disponueshëm për këto dy ndeshje pasi rezultojnë pozitiv, kështu që ndeshja e parë për të cilën ata mund të kthehen është ndeshja jashtë vendit në Getafe më 2 janar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
