Art&dizajn

Mjeshtri spanjoll i artit pikturon në mes të Madridit


Antonio Lopez - Artist spanjoll

Nuk ndodh shpesh që të keni mundësinë të shihni një mjeshtër në punë, por banorët e Madridit kanë qenë kohët e fundit në gjendje të shikojnë një nga artistët më të mëdhenj të Spanjës, Antonio Lopez, që ngriti studion e tij nën diellin flakërues në sheshin e famshëm Puerta del Sol të Madridit.

Çdo ditë nga ora 18:30 deri në 9 pasdite që nga fillimi i korrikut, piktori dhe skulptori Antonio Lopez, 85 vjeç, ka pozicionuar kanavacën e tij të madhe dhe ka filluar të përziejë bojërat e tij, pranë një audience që përfshin shitës qensh, turma e artdashës, pa harruar edhe turmat e bletëve.

Dalja e tij publike, në mesin e një sheshi me kaq nam, ka emocionuar shumë vendasit e kryeqytetit spanjoll.

Antonio Lopez – Madrid, Spanjë.

“Është një moment në jetë sepse Antonio Lopez është një legjendë e gjallë e artit spanjoll,” tha mësuesi i artit Javier Mateo, 33 vjeç, i cili u frymëzua nga Lopez për të studiuar mbi artin.

Lopez, i cili ka gëzuar një karrierë të gjatë në Spanjë dhe shfaqet në koleksionet e përhershme të muzeve në të gjithë botën, është i njohur për përshkrimet e tij të gjalla të subjekteve të përditshme, nisur nga skenat e qytetit deri tek portretet.

Madje, ai fare nuk e nxiton punën e tij. Një portret i familjes mbretërore të Spanjës u zbulua në vitin 2014, 20 vjet pasi ishte porositur.

Dhe nuk është hera e parë që Lopez përpiqet të marrë sheshin ikonik në qendër të kryeqytetit spanjoll.

Antonio Lopez – Madrid, Spanjë.

“Puerta del Sol është një ide shumë e vjetër e imja dhe kjo është përpjekja ime e tretë” tha Lopez.

Ai së pari u përpoq të përshkruante sheshin më shumë se 20 vjet më parë. Një përpjekje e dytë përkoi me punën e ndërtimit, e cila e detyroi atë përsëri të braktiste pikturën. Tani ai ka vendosur se është koha e duhur për të rifilluar punën që filloi në vitin 2010.

“Shpresoj se kjo është ajo përfundimtare që më në fund mund ta përfundoj dhe ta çoj në kufirin e asaj që mund të bëj”, ka përfunduar Lopez.

Antonio Lopez – Madrid, Spanjë.

/Albanianpost.com


Lajmet kryesore